रुपन्देही । गुल्मीका बिनोद कँुवरले आफ्नो निजि लगानीमा नेपालमै पहिलो पटक अन्तराष्ट्रिय स्तरको क्रिकेट मैदान निर्माण गर्ने भएका छन । एक कार्यक्रमका बीच उद्घाटन भएको क्रिकेट मैदान रुपन्देहीको तिलोत्तमा नगरपालिका वडा नम्बर १७ दरखसवामा एक्स्ट्राटेक ओभल क्रिकेट मैदान ४० करोड रुपैयाँको निजी लगानीमा निर्माण हुन लागेको हो ।

Advertisement 1

गुल्मीको मदाने गाउँपालिका ४ म्यालपोखरीमा जन्म भई स्थानीय पृथ्वी उच्च मावि बाट बिधालय शिक्षा हासिल गरेका बिनोदले तम्घासको महेन्द्र उच्च मावि हुँदै रुपन्देहिको भलवारीमा इलेक्ट्रिक ईन्जीनियर पढेपछि अष्ट्रेलिया पुगेर आइटि इन्जिनियर पढेका हुन् । उनले ३ बर्ष सम्म सिड्नीमा सूचना प्रविधि सम्बन्धि व्यवसाय समेत गरेका ३७ बर्षिय कुँवरले आईटी क्षेत्रमा अब्बल चिनारी बनाएका छन् । आफू सानै देखि खेलकुदमा सौखिन भएका कारण बनाउन लागेको उनले बताए । यो अभियान सफल भएपछि नेपालमै स्तरीय आईटी कलेज खोल्ने योजना रहेको कुँवरले बताए ।

मैदानको तिलोत्तमा नगरपालिकाका प्रमुख रामकृष्ण खाँणले शिलन्यास गरेका हुन । यस क्रममा उनले क्रिकेट मैदान निर्माणका लागि स्थानीय सरकारको तर्फबाट हुन सक्ने सबै सहयोग गर्ने बताएका छन् । निजी लगानीको भए पनि यो नगरकै गौरवको आयोजना भएको उनले बताएका छन् । हाल पौने ५ बिघा जग्गा किनेर मैदान निर्माणको प्रक्रिया अगाडि बढाइएकोमा थप जग्गा खरिदको प्रक्रिया पनि जारी रहेको एक्स्ट्राटेक ओभल प्रालिका निर्देशक समेत रहेका विनोद कुँवरले बताए ।

Advertisement 2

पहिलो वर्ष ५ हजार दर्शक क्षमताको रङ्गशाला बनाउने र प्रत्येक वर्ष ५ हजार दर्शक क्षमता थप्दै ४ वर्षभित्र २५ हजार दर्शक क्षमताको क्रिकेट रङ्गशाला बनाउने योजना रहेको कुँवरले बताए । एक्स्ट्राटेक ओभल क्रिकेट रङ्गशाला बनाउन ४० करोड रुपैयाँ लाग्ने अनुमान गरिएको छ । कुँवरले नेपाल सरकारले एउटा राम्रो अन्तर्राष्ट्रिय क्रिकेट मैदान बनाउन नसकेको र चितवनको भरतपुरमा गौतम बुद्ध अन्तर्राष्ट्रिय क्रिकेट मैदान अलपत्र परेको अवस्थामा आफूले एकल लगानीमा मैदान निर्माण सुरु गरेपनि देश लाई क्रिकेट मार्फत अन्तराष्ट्रिय स्तरमा चिनाउने धोको रहेको उनले बताएका छन् ।

मैदान निर्माणको लागि अहिलेनै रकम सुनिश्चित गरेको पनि उनले बताए । एक्स्ट्राटेक ओभल प्रालि र यसका निर्देशक कुँवर तथा चिफ अपरेटिङ अफिसर सुदीक्षा गौतमले रङ्गशाला निर्माणको स्वामित्व लिएर काम अगाडि बढाएका हुन् । एक्स्ट्राटेक अस्ट्रेलियाको सिड्नीमा अवस्थित आईटी ट्रेनिङ इन्सिच्युट हो । पूर्व राष्ट्रिय क्रिकेट खेलाड़ी शक्ति गौचन एक्स्ट्राटेक ओभल क्रिकेट मैदानको ब्रान्ड एम्बेस्डर छन ।

यो क्रिकेट रङ्गशालामा होस्टल सहितको एकेडेमी र ट्रेनिङ सेन्टर रहने छ जसको जिम्मा पुर्व कप्तान शक्ति गौचनलाई दिइएको छ । रङ्गशाला कम्पाउण्डमा चार तलाको भवन बनाएर एक सय जनालाई एकेडेमीमा राखेर प्रशिक्षण दिइने योजना रहेको निर्देशक कुवँरको भनाई छ । यूएईमा लामो समय बसेर अवुधाबीको शेख जायेद अन्तर्राष्ट्रिय क्रिकेट रङ्गशालामा क्युरेटरको जिम्मेवारी लिएका माधव पाठक एक्स्ट्राटेक ओभल क्रिकेट मैदानको क्युरेटरको भूमिकामा हुनेछन ।