कर्णाली याक्स सुदूरपश्चिमसँग ६ विकेटले पराजित
काठमाडौं। एनपीएल अन्तर्गत लिग चरणको अन्तिम खेलमा कर्णाली याक्स सुदूरपश्चिम रोयल्ससँग ६ विकेटले पराजित भएको छ। सोमबार बिहान त्रिवि क्रिकेट मैदानमा टस जितेर फिल्डिङ रोजेको सुदूरपश्चिमले जितका लागि १०२ रनको लक्ष्य पाएको थियो।
Advertisement 1
जवाफी ब्याटिङ गरेको सुदूरपश्चिमले १५.२ ओभरमा ४ विकेट गुमाएर खेल जितेको हो। सुदूरपश्चिमको जितमा दिपेन्द्र सिंह ऐरी प्लेयर अफ दी म्याच रहे। उनले २९ बलमा ३८ रन बनाउनुका साथै २ विकेट पनि लिएका थिए। लिग चरणका खेल समाप्तिसँगै प्लेअफ पुग्ने ४ वटै टिमको टुंगो लागेको छ।
अंक तालिकाको शीर्ष दुई स्थानमा रहेका सुदूरपश्चिम रोयल्स र जनकपुर बोल्ट्सले क्वालिफायर १ खेल्नेछन्। त्यस्तै चितवन राइनोज र कर्णाली याक्सले इलिमिनेटर खेल्नेछन्।
Advertisement 2
इलिमिनेटरको विजेताले क्वालिफायर १को पराजित टिमसँग क्वालिफायर २ खेल्नेछ। क्वालिफायर १ को विजेता र क्वालिफायर २को विजेता टिमले फाइनल खेल्नेछन्।
कर्णाली प्लेअफमा, काठमाण्डु बाहिरियो
