बाउको आशीर्वाद
र,
आमाको उपहारमा
प्राप्त भै
आज यस धर्तीमा
फुरफुर गर्ने जिन्दगीहरू !

Advertisement 1

के यो, ढोंगी, बेभिचारी,
सन्की, फटाह, छुल्याह, कुकर्मी
गरिबमारा मनपरि कार्यको
वर्खिलापमा लागेको छ !

त्यस्ता छेदका करेसाबारीका हरियालीलाई
क्षणमै पराल, खर आदिमा रूपान्तरण गरी
आगो दन्काउन लागेको छ

Advertisement 2

गरिबमाराहरूलाई
भित्तैमा पुर्याई
गरीबी भित्र बलिरहेको
आगोमा
फोहोराका फोहोरा पानी दर्काएर
त्यो आगोलाई
निभाउन लागेको छ

बाउको आशीर्वाद
र,
आमाको उपहार
आज रेलको भेषमा
कता गुड्दै छ ?

के यसले गरिबको झुपडीमा लागेको
आगो निभाउन दमकलको काम गरिरहेको छ ?

वा, के मृत्यु शैयामा छट्पटीरहेको गरिब रोगीलाई
तीब्र गतिमा दौडंदै साइरन बजाउदै उह्हाँवह्हाँ को आवाजमा अस्पताल पुर्याउने एम्बुलेन्सको काम गरिरहेछ ?

के यसले गरिबलाई माथि ल्याउने योजना बनाएको छ ? कार्यान्वयन गरेको छ ?

के यसले बाउको आशीर्वाद र आमाको उपहार स्वरूप जे पाएको थियो त्यो धर्मकर्म निर्वाह गरेको छ ?

वा आफ्ना बाउ र आमालाई निरन्तर धोका दिईरहेको छ ?