नेपालीहरुको महान चाड ।
आयो वडा दशैं र तिहार ।।
दुर्गाभवानीको आशिष संगै।
बर्सायो खुशीको बहार।।

Advertisement 1

निधारमा रातो टीका ।
शिरमा जमरा सिउरेर ।।
आयो वडा दशैं खुशीयाली छर्न।
मनाउ है सबैले मिलेर।।

दैत्यलाई मारिन् देवीले।।
असत्य माथि भयो सत्य को विजय ।
यहि खुसियालीमा मनाउन थालियो दशैं।
बनाउनु पर्छ यसलाई हर्ष र उल्लास्मय।।

Advertisement 2

बर्षमा एकपट आउँछ दशैं ।
दुख र पीडा हटाउन ।।
आपसीजन र साथीभाइसंग भेटघाट गरी।
घर परिवारमा उमंग छर्न ।।

मिठामिठा परिकार खान्छौँ।
हामी वडा दशैंमा ।।
राम्रा राम्रा नँया लुगा लगाई ।
खेल्छौँ पिङ दशैँमा ।।

आफू भन्दा ठुलाको ।
लिन्छौँ हामी आशिर्वाद ।।
नाचगान गरी रमाउंछौ दशैँमा ।
मिलेर साथीभाई साथ ।।

परापूर्वकालदेखी नै मनाउन थालियो दशैँ।
दशैँ नै हाम्रो मूल संस्कृति ।।
चाडपर्वलाई जोगाउनुपर्छ ।
भित्र्याउनु हुन्न है नराम्रो विकृति ।।

आफ्नै मौलिकता अनुसार मनाइन्थ्यो पहिले।
दशैँ रीतिरिवाज र संस्कार अगांलेर ।।
परिवर्तनसँगै भित्र्याए मानिसले।
नराम्रा विकृती र कुसंस्कार ।।

कसैको रिस र डाहा नगरौं दशैँमा ।
आपसी सदभाव कायम गरौँ सबैले ।।
अरुको देखासिकी पनि ।
गर्नुहुंदैन है कसैले ।।

घाँटी हेरी हाड निल्ने गरौँ ।
फजुल खर्च कसैले नगरौँ ।।
चाडपर्व आयो भन्दैमा ।
आफ्नो कर्तव्य पनि कहिलै नभुलौँ।।

ऋण काटेर दशैँ नमानौं ।
नत्र उठिबास लाग्नुपर्छ ।।
सके जत्ती मात्र खर्च गरौँ ।
खोले खाएर पनि रमाउन सक्नुपर्छ ।।
टाढा हुने आफ्न्त दशैँमा घर नआए ।
आँशुले आँखा भर्दछ ।।
रातो टीका र जमराले ।
जितको सङ्केत गर्दछ।।

ढकमक्क सयपत्री फुल्यो हजुर।
सुनौलो बारीमा ।।
बडा दशैँमा सबैको मन खुशी रहोस्।
भन्ने मेरो मनै देखिको चाहाना।।

विदेश गएको छोरालाई पनि ।
पर्खिन्छिन आमा परेर उसको भरमा।।
फूलपातीको दिन भित्र्याइन्छ जमरा।
सम्पुर्ण नेपालीहरुको घरमा।।

दशैँ आउँदा धनीको पो ।
छ रमाइलो कथा ।।
गरिबको बुझिदिने ।
कसले हो व्यथा।।

दशैँ आयो भन्छन् सबै।
चर्की आउँछ छाती।।
गरिबहरुलाई दशैँ तिहार ।
नाआएकै जाति ।।
सबको घरमा ल्याए ।
खसी र बोका।।
गरिबका घरमा छन् ।
बालबच्चा नाङ्गा र भोका।।

सबैले दशैँ मनाउँछन् ।
हाँसीखुशी मिलेर ।।
आत्मा मेरो रुन्छ कठै ।
विचरा ! गरिबहरु बिताउँछन् दिन टुलुटुलु हेरेर।।

महान् चाड बडा दशैँ सबैको हो।
एउटाको मात्र होइन ।।
गरिबरुले पनि मनाउन पाउनुपर्छ।
ए धनी हो ! सहयोग गरिदेउ न।।

दुर्गा भवानीले रक्षा गरुन् ।
उच्च र अटल रहोस् सबको भावना।।
आउँदै गरेको विजया दशमीको ।
सम्पुर्ण नेपाली दाजुभाई तथा दिदी बहिनीहरु लाई हार्दिक मंगलमय शुभकामना ।।

रजनी ढकाल कालिका -२ ,कालिकास्थान ,रसुवा