एउटा करारका कर्मचारीले कति समय काम गर्न पाउँछ ? बढीमा ६ महिना वा करार नविकरण गरेर एक बर्ष ।संघीय मामिला तथा सामान्य प्रशासन मन्त्रालयले केही अघि बनाएको कार्यविधिमा करारका कर्मचारीहरुको पनि कार्यसम्पादन मूल्यांकन गर्ने र ८० प्रतिशत भन्दा कम अंक ल्याएको खण्डमा करार सम्झौंता नवीकरण नगर्ने उल्लेख गरिएको थियो । तर संष्कृति पर्यटन तथा नागरिक उड्डयन मन्त्रालय मातहतको एउटा निकायमा एउटा यस्ता पनि कर्मचारी छन्,जो १८ वर्षदेखि एउटै कार्यालयमा करार सेवामा कार्यरत छन् ।

Advertisement 1

२०७९ को तथ्यांक अनुसार अस्थायी,करार,ज्यालादारहरुको संख्या झण्डै ५७ हजार हाराहारी रहेको छ । तथ्यांक अनुसार,स्थानीयमा ३५ हजार,संघमा १४ हजार ५ सय,प्रदेशमा ७ हजार कर्मचारी करार सेवामा कार्यरत छन् । यी करार सेवामा कार्यरत कर्मचारीहरु मध्ये कतिपय स्थानीय तहले अघिल्ला पटक नियुक्ति भएका कर्मचारीहरु फालेर नयाँ नियुक्ति गरेका हुन ।

तर सबै करारका कर्मचारीको पहुँच कहाँ रोहित कुमार यादवको जस्तो हुन्छ र ? उनलाई सेवाबाट हटाउन खोज्दा प्रधानमन्त्री कार्यालयका राजनीतिक सल्लाहकार हरिबोल गजुरेलदेखि प्रधानमन्त्रीका नीजि सचिव नवराज ढुंगनासम्मको दबाब दिइरहेका छन् तर मन्त्री सुदन किराती टसका मस भएका छैनन् ।

Advertisement 2

सुब्बा तहका ती कर्मचारी हुन रोहित कुमार यादव । नेपाल वायुसेवा निगमको इन्जिनियरिङ विभाग अन्तर्गत नेपालगन्ज इन्जिनियरिङ युनिटमा प्राविधिक अधिकृतका रुपमा कार्यरत उनी १८ बर्षदेखि करार सेवाबाटै त्यही कार्यालयमा बसेर जागिर खाइरहेका छन् ।

करारका कर्मचारीलाई कार्यालयले दुई वटा कोठा समेत दिएको छ । सो कार्यालयमा दुई जना इन्जिनियरको दरवन्दी छ । यद्यपि उनी एक्लैले २०६७ चैत १७ गतेदेखि हालसम्म कार्यालय सम्हाल्दै आएका थिए ।