सोमबार बसेको मन्त्रिपरिषद्को बैठकले थप ५८४ जना कर्मचारीको अस्थायी दरबन्दी स्वीकृत गरेको छ । हिजो बसेको मन्त्रिपरिषद्को बैठकले विभिन्न मन्त्रालयमा गरी ५८४ जना राजपंत्राकिंत श्रेणीका कर्मचारीको दरबन्दी स्वीकृत गरेको हो । जस अनुसार कृषि पशुपंक्षी विकास मन्त्रालयमा २०४ जना राजपत्राकिंत पदहरुको अस्थायी दरबन्दी र शहरी विकास मन्त्रालयले ३८० जना गरी कूल ५८४ जना अस्थायी दरबन्दी स्वीकृत गरेको हो ।
यस अघिको मन्त्रिपरिषद्को बैठकले विभिन्न मन्त्रालय र निकायमा गरी ५ सय २२ अस्थायी दरबन्दी स्वीकृत गरेको थियो । विभिन्न ६ वटा मन्त्रालयका लागि ५२२ अस्थायी दरबन्दी स्वीकृत गरिएको थियो । भौतिक पूर्वाधार तथा यातायात मन्त्रालयमा सबैभन्दा बढी ३ सय ५५ वटा पद स्वीकृत गरिएको छ। यस्तै कानुन न्याय तथा संसदीय मामिला मन्त्रालयमा ५८, ऊर्जा मन्त्रालयमा ५१, कृषि तथा पशुपन्छी मन्त्रालयमा २०, युवा तथा खेलकुद मन्त्रालयमा १५ र सञ्चार तथा सूचना प्रविधि मन्त्रालयमा १५ वटा राजपत्रांकित श्रेणीका पदहरूको अस्थायी दरबन्दी स्वीकृत भएको छ। यसरी लोकसेवा आयोगको प्रक्रियालाई छलेर सरकारले ११०६ जना कर्मचारीको अस्थायी अस्थायी दरबन्दी स्वीकृत गरेको छ।
एकातिर सरकारले बजेट भाषणमा १० प्रतिशत दरबन्दी कटौती गर्ने कुरा गरिरहेको छ। यता बजेट भाषण विपरित कार्यकर्तालाई जागिर खुवाउन ११०६ अस्थायी दरबन्दी मन्त्रिपरिषद्बाटै स्वीकृत गराइएको छ ।