अधिकांश स्थानीय तह प्रमुख प्रशासकीय अधिकृतको पदमा निमित्त अधिकारीहरू राखेरै चलेका छन्। संघीय मामिला तथा सामान्य प्रशासन मन्त्रालयका अनुसार, १३६ निमित्त प्रमुख प्रशासकीय अधिकृतका भरमा चलेका छन्।

Advertisement 1

२७६ नगरपालिकामध्ये ४३ वटा नगरपालिका, ४६० गाउँपालिकामध्ये ९३ निमित्तकै भरमा चलेका छन् । यो अवस्था आउनुको प्रमुख कारण एकातिर दरबन्दी अनुसार पर्याप्त कर्मचारी नहुनु र अर्कोतिर जनप्रतिनिधिले कानून मिचेरै काम गर्न दबाब दिंदा कर्मचारीहरू त्यस्ता ठाउँमा जान नचाहनु मन्त्रालयले जनाएको छ । पर्याप्त कर्मचारी नहुँदा स्थानीय तहमै कार्यरत अन्य सेवाका वरिष्ठ कर्मचारीलाई निमित्त दिएर काम चलाउनु परेको छ ।

‘केही ठाउँमा नगरपालिका तथा गाउँपालिका प्रमुखले अहेब तथा शिक्षा समूहका कर्मचारीलाई निमित्त दिई चलाउने गर्नुभएको छ। मन्त्रालयका अर्का एक कर्मचारीले भने, ‘यस्तो अवस्था धेरैजसो मधेस प्रदेशमा देखिएको छ। कर्मचारी नपठाउन दबाब दिनेहरूमा धेरजसो मधेस प्रदेशकै जन प्रतिनिधि हुनुहन्छ।’

Advertisement 2

अख्तियार दुरूपयोग अनुसन्धान आयोग तथा महालेखा परीक्षक कार्यालयका वार्षिक प्रतिवेदनहरूमा निमित्तको भरमा चलेका स्थानीय तहरूमा मिलोमतोमा भ्रष्टाचार हुने गरेको उल्लेख छ।