सरकारले राजश्व संकलनमा संक्चन बढेको र चालु खर्च धान्न मुस्किल परेको भन्दै संघीय सरकार,प्रदेश र स्थानीय तहको बजेट कटौती गर्न निर्देशन दिएको थियो गत माघ १७ मा ।

Advertisement 1

अर्थले दिएको १४ बुँदे निर्देशनको पहिलो बुँदामा कार्यक्रम खर्च,कर्मचारी तालिम,गोष्टी,सेमिनार,कार्यशालाको बजेट कटौतीमा परेको थियो ।

चालु खर्च कटौतीको निर्णय कार्यान्वयन गर्दा १० अर्ब ५० करोड रुपैयाँ बचत हुने र खर्च रोक्का राख्दा करिब १४ अर्ब रुपैयाँ बराबरका कार्यक्रम स्थगन हुने अर्थ मन्त्रालयको अनुमान गरेको भए पनि सरकारी बजेटमा तर मार्न पल्किएका सरकारी निकायले भने यसलाई ठाडैं उल्लघन गरिरहेको भेटिएको छ ।
यस्का अलवा सरकारले २०७८ कात्तिक १५ मा ‘सार्वजनिक खर्चलाई मितव्ययी तथा प्रभावकारी बनाउनेसम्बन्धी मापदण्ड २०७८’ जारी गर्दै तालिम गोष्ठी तथा सेमिनार आफ्नै बैठक हल तथा सभाकक्षमा सञ्चालन गर्नुपर्ने उल्लेख गरेको छ । ७ बुँदामा समेटिएको उक्त निर्देशिकामा भनिएको छ, ‘तालिम, गोष्ठी वा सेमिनार भौतिक उपस्थिति भई सञ्चालन गर्नुपरेमा सम्भव भएसम्म आफ्नै वा सार्वजनिक सभाहल वा बैठक कक्ष प्रयोग गर्नुपर्नेछ ।’

Advertisement 2

सरकारी निर्देशनको अटेरी गर्दै भक्तपुरस्थित शहीद धर्मभक्त राष्ट्रिय अंग प्रत्यारोपण केन्द्रले महंगो होटलमा कार्यक्रम गर्दैछ,आज ।
केन्द्रको ११ औं बार्षिकोत्सवको अबवसरमा ललितपुरस्थित एक रिसोर्टमा वार्षिकोत्सव मनाउँदै छ । ललितपुरको पूर्णज म्युजियम रिसोर्टमा कार्यक्रम झरुवारासीमा सोमबार कार्यक्रमको आयोजना गरेको छ ।
अस्पतालको सेवा ठप्प पारेर रिसोर्टमा लगेर केन्द्रका कार्यकारी पुकारचन्द्र श्रेष्ठले बार्षिकोत्सव कार्यक्रम मनाउन लागेका हुन ।

सार्वजनिक खर्चलाई मितव्ययी तथा प्रभावकारी बनाउने सम्बन्धी मापदण्ड विपरित उसले महंगो होटलमा कार्यक्रमको आयोजना गर्न लागेको हो । सरकारी निकायहरूले आर्थिक अनुशासनविपरीत महँगा होटलमा कार्यक्रम गर्ने क्रम बढेको छ । आफ्नै सभाहल हुँदाहुँदै राज्यको ढुकुटी खर्च हुने गरी होटल एवं रिसोर्टमा मन्त्री र सचिवहरूकै उपस्थितिमा कार्यक्रम गर्ने सिलसिला रोकिएको छैन,बढ्दै गएको देखिन्छ ।