रिक्त रहेको डेढ महिनापछि वाणिज्य, आपूर्ति तथा उपभोक्ता संरक्षण विभागले नयाँ महानिर्देशक पाएको छ ।

Advertisement 1

डेढ महिनादेखि रिक्त रहेको विभागमा मधेश प्रदेशमा कार्यरत सहसचिव गजेन्द्रकुमार ठाकुरलाई उद्योग, वाणिज्य तथा आपूर्तिमन्त्री रमेश रिजालले मन्त्रीस्तरीय निर्णय गर्दै सोमबारदेखि महानिर्देशको जिम्मेवारी दिएका हुन् ।

१५ फागुनमा तत्कालीन उद्योग, वणिज्य तथा आपूर्ति मन्त्री दामोदर भण्डारीले तत्कालीन महानिर्देशक महेश भट्टराईको सरुवा गरेका थिए । ठूला व्यावसायिक घरानाका व्यवसाय माथि अनुगमन गरेको, पोस्ता दानाको कोटा खुलाउन विभागबाट असहयोग गरेको आरोप लगाउँदै मन्त्री भण्डारीले उनको सरुवा गरेका थिए ।

Advertisement 2

त्यसयताका डेढ महिना विभाग नेतृत्वविहीन थियो । अर्धन्यायिक अधिकार भएको विभाग नेतृत्व विहीन हुँदा बजार अनुगमनदेखि विभागका दैनिका कार्य नै प्रभावित भएको थियो ।