कविता :- फर्कि आउ पृथ्वी अब
तिमीले उनेको माला छिन्न भिन्न हुन नदिन
तिम्रै सन्ततीमा राष्ट्रियताको भाका सिकाउन
जन्मभूमिमा मूलुकको पौरख देखाउन
फर्कि आउ पृथ्वी अब ।
Advertisement 1
तिम्रा दिब्य उपदेशको घरेलु उद्योगको सपना पढ्दा
अमेरिकाको ल्यापटप र अरबको खरवकै लालसामा
जादैछु खोरियाको लागि कोरिया मेसिन बनि
फर्कि आउ पृथ्वी अब ।
तिम्रै टिस्टा र काँगडा सम्झिदा
जंगे पिलर आज हल्लिदा
कालापानी लिपुलेक नक्सामा सीमित हुँदा
पहिचान मेटाउन खोज्छन तिमीले धपाएका काले र गोरेहरु
सम्झन्छु तिम्रा दुरदर्शिता
फर्कि आउ पृथ्वी अब ।
Advertisement 2
फोरियो तिम्रो शालिक
मार्ग तिम्रा ध्वस्त भए
जुठो कुडो चाटेर उडादिए आदर्श
भिष्मपितामह शरशैया छटपटाइरहेछन
रुन्छिन जननी
फर्कि आउ पृथ्वी अब ।
कोइली सुनाउँछे गीत विरहका
कोही गर्छन कुरा विद्रोहका
प्रजा लड्छन आपस
तिम्रै सन्तान मारिए सपरिवार
फर्कि आउ पृथ्वी अब ।
Advertisement 3
नेपाली माटोमा पसिना बगाउन सिकाउन
वीर पूर्खाको सम्मान बढाउन
झण्डा फहराई
शिर झुक्न नदिन
आज तिम्रै खाँचो छ
फर्कि आउ पृथ्वी अब ।
