Advertisement 1

इकर्मचारी डटकममा प्रकाशित समाचारप्रति उद्योग,वाणिज्य तथा आपूर्ति मन्त्रालयका प्रदेश सचिव विश्ववावु पुडासैनीले आपत्ति प्रकट गरेका छन् ।

गत १८ पुसमा इकर्मचारी डटकममा अधिकृत गणेश राउतको प्रश्न :-कार्यालय प्रमुख पद पैसाले किन्नै पर्ने हो सचिवज्यू ? शीर्षकको समाचारमा आपत्ति जनाउँदै उक्त समाचारले आफ्नो मान,प्रतिष्ठामा गम्भीर असर परेको भन्दै उनले समाचारको खण्डन गरेका हुन ।

Advertisement 2

बागमती प्रदेश, उद्योग, बाणिज्य तथा आपूर्ति मन्त्रालय अन्तर्गतको घरेलु तथा साना उद्योग कार्यालय चितवनमा दरबन्दी रही हाल उद्योग, बाणिज्य तथा उपभोक्ता हित संरक्षण निर्देशनालय, हेटौडामा काजमा रहेको अधिकृत कर्मचारी गणेश राउतसँग जोडिएर आएको समाचारमा आपत्ति जनाउँदै प्रदेश सचिव पुडासैनीले त्यहाँका कर्मचारी गणेश राउत मेरो प्रतक्ष्य मातहत नरहेको र उनलाई आफूले भेटेर वा फोन गरेर केही पनि नभनेको स्पष्ट पारेको छ । पुडासैनीले समाचारको खण्डन गर्दै राउतले आफूलाई फोन गर्दा उत्तर मात्र दिएको प्रस्टाएका छन् ।

प्रचलित नियमभित्र रही राउतको सरुवा भएको स्पष्ट पार्दै कर्मचारी राउतका हाकिमले अनुशासनहिन रहेको, निजले दिएको जिम्मेवारी पुरा नगरेको र कार्यालयको कार्यवातारण बिगारेको भनि मन्त्रालयमा लिखित पत्र प्राप्त भएको अबस्थामा निज कार्यरत कार्यालयको प्रमुख र सम्बन्धित व्यक्तिबाट निजको खराब आचरण रहेको कार्यरत कार्यालयको कार्यबाताबरण बिगारेको प्रस्ट भएको सचिव राउतद्धारा पठाइएको खण्डन पत्रमा उल्लेख गरिएको छ ।

राउतलाई बिगतको प्रदेश सचिवले समेत कारबाहीको लागि मन्त्रालयमा काज तानेको निजले सचिब र मन्त्रालयका अन्य कर्मचारी सँग पनि अनुशासनहिन ब्यबहार गरेको कारण घरेलु तथा साना उद्योग कार्यालय, ललितपुरमा निज सिनियर रहे पनि बाणिज्य तथा उपभोक्ता हित संरक्षण निर्देशनालय, हेटौडाको प्रमुख कृष्ण दाहाल लाई निज कार्यरत सहित दुई वटा कार्यालय हेर्ने गरी प्रमुखको थप जिम्मेवारी दिइएको स्पष्ट पारिएको हो ।

यस्तै निज लेखा अधिकृत धिरेन्द्र पोख्रेल भन्दा जुनियर रहेको राष्ट्रिय किताबखाना (निजामती) को अभिलेखबाट प्रस्ट रहेको समेत उनले प्रष्टाएका छन् । अधिकृतको जेष्ठता दुबैको २०६८ साल माघ १ रहेको तर तल्लो पदमा गणेश राउतको २०५६साल असार ३१ र धिरेन्द्र पोख्रेलको २०५५ साल चैत्र १५ रहेको किताबखानाको अभिलेख रहेको भए पनि सम्बन्धित सँग नबुझी समाचारको शिर्षक नै मेरो चरित्रहत्या गर्ने अभिप्राय राखेकोप्रति प्रदेश सचिव पुडासैनीको आपत्ति रहेको छ ।

राउतले घरेलु तथा साना उद्योग कार्यालय चितवनमा र ललितपुरमा हुँदा कुनै पनि जिम्मेवारी पुरा नगरको कार्यालयको प्रमुखबाट उल्लेख भएको, सबै कर्मचारीले हस्ताक्षर सहित निजको उजुर गरेको र अहिले सम्म उ राम्रो काम गर्ने कर्मचारी भनेर भन्ने एक जना पनि निज कार्यरत कार्यालयको साथीबाट नसुनेको सचिव पुडासैनीले बताएका छन् ।

मिती: २०७९-९-२६

समाचारको खण्डन सम्बन्धमा

श्री ईकर्मचारी अनलाइन

मिती २०७९-९-१५ र १८ गते ईकर्मचारी अनलाइन र २०७९-९-२० गते जनआस्था साप्ताहिक पत्रिकामा बागमती प्रदेश, उद्योग, बाणिज्य तथा आपूर्ति मन्त्रालय अन्तर्गतको घरेलु तथा साना उद्योग कार्यालय चितवनमा दरबन्दी रही हाल उद्योग, बाणिज्य तथा उपभोक्ता हित संरक्षण निर्देशनालय, हेटौडामा काज रहेको अधिकृत कर्मचारी गणेश राउतको बिषयमा प्रकाशित समाचारमा कुनै सत्यता नरहेकोले खण्डन गर्न कागजात सहित मौखिक अनुरोध गरेको तर हाल सम्म पनि खण्डन नगरेको हुँदा निम्न अनुसार तत्काल खण्डन गर्न लिखित अनुरोध गर्दछु।

निम्न

• निज कर्मचारी गणेश राउत मेरो प्रतक्ष्य मातहत नरहेको र निजलाई मैले भेटेर वा फोन गरेर केही पनि भनेको छैन, निजले फोन गर्दा उत्तर मात्र दिएको छु। प्रचलित नियमभित्र रही मात्र निजको सरुवा भएको छ । निजको हाकिमले अनुशासनहिन रहेको, निजले दिएको जिम्मेवारी पुरा नगरेको र कार्यालयको कार्यवातारण बिगारेको भनि मन्त्रालयमा लिखित पत्र प्राप्त भएको अबस्थामा निज कार्यरत कार्यालयको प्रमुख र सम्बन्धित व्यक्तिबाट निजको खराब आचरण रहेको कार्यरत कार्यालयको कार्यबाताबरण बिगारेको प्रस्ट छ ।
• बिगतको प्रदेश सचिवले समेत कारबाहीको लागि मन्त्रालयमा काज तानेको निजले सचिब र मन्त्रालयका अन्य कर्मचारी सँग पनि अनुशासनहिन ब्यबहार गरेको कारण घरेलु तथा साना उद्योग कार्यालय, ललितपुरमा निज सिनियर रहेपनि बाणिज्य तथा उपभोक्ता हित संरक्षण निर्देशनालय, हेटौडाको प्रमुख कृष्ण दाहाल लाई निज कार्यरत सहित दुई ओटा कार्यालय हेर्ने गरी प्रमुखको थप जिम्मेवारी दिइएको थियो ।
• निज लेखा अधिकृत धिरेन्द्र पोख्रेल भन्दा जुनियर रहेको राष्ट्रिय किताबखाना (निजामती) को अभिलेखबाट प्रस्ट रहेको छ ( अधिकृतको जेष्ठता दुबैको २०६८/१०/१ रहेको तर तल्लो पदमा गणेश राउतको २०५६/३/३१ र धिरेन्द्र पोख्रेलको २०५५/१२/१५ रहेको । तथापी निजले भनेको आधारमा सम्बन्धित सँग नबुझी समाचारको शिर्षक नै मेरो चरित्रहत्या गर्ने अभिप्राय राखेकोले गल्ति भएको कुरा खण्डनमा आउनु पर्ने ।
• निजले घरेलु तथा साना उद्योग कार्यालय चितवनमा र ललितपुरमा हुँदा कुनै पनि जिम्मेवारी पुरा नगरको कार्यालयको प्रमुखबाट उल्लेख भएको, सबै कर्मचारीले हस्ताक्षर सहित निजको उजुर गरेको र अहिले सम्म उ राम्रो काम गर्ने कर्मचारी भनेर भन्ने एक जना पनि निज कार्यरत कार्यालयको साथीबाट नसुनेको अबस्थामामा लगातार मेरो फोटो राखी समाचार बनाउने जस्ता गल्ति निज पत्रकारबाट भएकोले तुरुन्त गल्ती सुधार गर्नुपर्ने ।

विश्ववावु पुडासैनी

उद्योग, बाणिज्य तथा आपूर्ति मन्त्रालय

प्रदेश सचिब

बागमती प्रदेश