शहरी विकास मन्त्रालयका सचिव र महानिर्देशक सुरेन्द्रमान श्रेष्ठले निर्वाचन आचारसंहितको ठाडो उल्लङ्घन गरेका भेटिएको छ।

Advertisement 1

निर्वाचन आचारसंहिता जारी रहेको अबस्थामा मन्त्री मेटमणि चौधरीको निर्वाचन क्षेत्रमा निर्वाचनलाई प्रभावित पार्ने गरी सचिव र डिजी पुगेर सोही अनुसारको गतिविधि गरेको भेटिएको हो ।

मन्त्री चौधरीको निर्वाचन क्षेत्र दाङको भालुवाङस्थित पौवा होटेलको रुम नम्बर ३०८, ४०२, ४०३, ४०८ नम्वरका ४ वटा कोटा बुक गरेर बसेका थिए ।मन्त्रीको निर्वाचन क्षेत्रमा पुगेर सचिव र डिजीले निर्वाचनलाई प्रतिकुल प्रभाव पार्ने गरी गतिविधि गरेको सूचना पाएपछि त्यहाँका एमालेका नेता कार्यकर्ताहरुले होटल घेराउ गरेका थिए ।

Advertisement 2

निर्वाचनलाई प्रभावित पार्ने गरी गतिविधि गरिरहेको भेटिएपछि उनलाई मध्यराती नै त्यहाँबाट स्थानीयहरुले लखेटेको भिडियो फुटेजमा देख्न सकिन्छ ।स्थानीय र  एमालेका नेता कार्यकर्ता मन्त्री,सचिव र डिजीविरुद्ध नाराबाजी गर्न थालेपछि मन्त्रीकै सक्रियतामा सचिव र डिजीलाई भगाइएको थियो ।

उनलाई एमालेका कार्यकर्ताहरुले के गर्न आउनुभएको थियो भन्दै प्रश्न गरेका छन् ।सचिव नाजावाफ भएको भिडियो फुटेजमा देखिन्छ । निर्वाचन आचारसंहिता विपरित मन्त्रीको निर्वाचन क्षेत्रमा पुगेका सचिवको सेटिङ सफल नभएपछि उनी रातारात त्यहाँबाट हिडेका छन् ।

सचिव सिंहसहितको टोली राती साढे १ वजे नेपाल प्रहरी र सशस्त्र प्रहरीको सहयोगमा प्रदेश ३ १०–०२२ च ३४९९ नम्वरको स्कारपियो र बा २ झ २९५७ नम्वरको पिकअप गाडीमा बाहिरिएका थिए ।

यो क्षेत्रबाट एमालेको तर्फबाट शान्ता चौधरी र गठबन्धनको तर्फबाट शहरी विकास मन्त्री मेटमणि चौधरी चुनावी मैदानमा छन ।