११२ सहसचिव र ३२१ उपसचिव पदमा लोकसेवाले खोल्यो विज्ञापन
लोक सेवा आयोगले सहसचिव र उपसचिव पदमा कर्मचारी भर्नाका लागि विज्ञापन खुलाएको छ । आयोगले आज गोरखापत्रमा एक सूचना प्रकाशन गर्दै जेष्ठता र कार्यसम्पादन मुल्यांकनबाट हुने बढुवाबाट पदपूर्ति गर्नुपर्ने उपसचिव र सहसचिव तहका अप्राविधिक र प्राविधिक तहका पदका लागि विज्ञापन गरेको हो ।
आयोगले परराष्ट्र,प्रशासन,लेखापरीक्षण,इञ्जिनियरिंग,राष्ट्रिय मानव अधिकार सेवा,स्वास्थ्य सेवा,कृषि,लेखा परीक्षण,वन,शिक्षा,विविध सेवा र संघीय संसदबाट विज्ञापन खुलाइएको छ ।
जसमा सहसचिव पदका लागि नेपाल स्वाथ्य सेवाबाट ४३, नेपाल प्रशासन सेवाबाट २२,नेपाल इञ्जिनियरिंग सेवाबाट २१,कृषि सेवाका २,लेखापरीक्षण समूहबाट ५, परराष्ट्र सेवाबाट सात,वन सेवाबाट ६,शिक्षा सेवाबाट २ जना गरि कूल ११२ जनाका लागि विज्ञापन खुलाइएको छ ।
यस्तै उपसचिव तहका लागि प्रशासन सेवाबाट १११ जना माग हुँदा स्वास्थ्य सेवाबाट ५९,नेपाल इञ्जिनियरिंग सेवाबाट ४९,लेखापरीक्षण र शिक्षा सेवाबाट २२/२२ जना माग भएको छ । यस्तै कृषि १३,परराष्ट्र र संघीय संसद ११/११ जना माग भएको छ ।
आयोगले नेपाल वन र नेपाल विविध सेवाका लागि ६/ ६ जनाका लागि विज्ञापन खुलाउँदा राष्ट्रिय मानव अधिकार सेवाका लागि ८ र नेपाल आर्थिक योजना तथा तथ्यांक सेवाका लागि ३ गरी कूल ३२१ उपसचिव पदका लागि विज्ञापन खुलाएको छ । आयोगले उपसचिव र सहसचिव गरी ४३३ जनाका लागि विज्ञापन खुलाएको हो ।
