३० मध्ये २८ निर्वाचन अधिकृत काँग्रेसी,कर्मचारी संगठनको आपत्ति
आगामी मंसिर ४ का निर्वाचनका लागि भन्दै निर्वाचन अधिकृत खटाउँदा छानी छानी काँग्रेसीमात्र खटाइएको प्रति कम्युनिष्ट निकट कर्मचारी संगठनले आपत्ति जनाएका छन् । महान्यायाधिवक्ता कार्यालयले सरकारी वकिल समूहका ३० जना उपसचिवलाई निर्वाचन अधिकृतको रुपमा खटाएकोमा २८ जना निर्वाचन अधिकृत कांग्रेसी पृष्टभूमिका र त्यो पनि जुनियर (हालै मात्र उपसचिव बढूवा भएका)लाई पठाइएको भन्दै वामपन्थी कर्मचारी संगठनले आपत्ति जनाएका हुन् ।
Advertisement 1
एमाले निकट नेपाल निजामती कर्मचारी संगठनका अध्यक्ष देवराज पौडेल, माओवादी निकट संगठनका संयोजक जीवन अधिकारी र नेकपा एस निकट संगठनका संयोजक विमल पोखरेलले आज एक संयुक्त विज्ञप्ति जारी गर्दै निर्वाचन अधिकृतको सिफारिस गर्दा छानी छानी काँग्रेसीलाई खटाइएकोले उक्त निर्णय तत्काल पुनर्विचार गर्न न्याय सेवा आयोग र निर्वाचन आयोगको ध्यानाकर्षण गराएका छन् ।
कम्युनिष्ट निकट कर्मचारी संगठनले निर्वाचन अधिकृत खटन पटन गर्दा महान्यायाधिवक्ता खम्मबहादुर खातीले आस्थाका आधारमा छानीछानी कांग्रेस निकट सरकारी वकिललाई निर्वाचन अधिकृत र पुरस्कारका लागि छनोट गरिएको उनीहरुको आरोप छ ।
अस्ति मात्र न्याय सेवा आयोगले निर्वाचन आयोगको माग अनुसार मुख्य निर्वाचन अधिकृत र निर्वाचन अधिकृतहरुको नाम सिफारिस गरेको थियो। उक्त नाममा कम्युनिष्ट निकट कर्मचारीहरुले आपत्ति प्रकट गरेका हुन ।
Advertisement 2
