राष्ट्रिय सतर्कता केन्द्रले मङ्गलबार आकस्मिकरुपमा विभिन्न निकायमा गरेको अनुगमनमा १६८ जना कर्मचारी छट्केमा परेका छन् । जसमध्ये १२० जना कर्मचारी विना सूचना कार्यालयमा अनुपस्थित रहेको राष्ट्रिय सतर्कता केन्द्रले जनाएको छ ।

Advertisement 1

प्रधानमन्त्री तथा मन्त्रिपरिषद् मातहतको उक्त केन्द्रले सिंहदरबार परिसरमा रहेका विभिन्न मन्त्रालय, आयोग, कार्यालयको अनुगमन गर्दा विभिन्न पदका १२० जना कर्मचारीह अनुगमनको समयमा विना सूचना अनुपस्थित रहेको, १९ जना कर्मचारीहरु अनुगमन गरिएको दिनभन्दा अगाडि विना कुनै सूचना अनुपस्थित रहेका तथा २८ जना कर्मचारीहरुले नेपाल सरकारले तोकेको पोशाक नलगाएको पाइएको केन्द्रले जनाएको छ ।

केन्द्रका अनुसार,यसरी विना कुनै सूचना कार्यालयमा अनुपस्थित रहने र तोकिएको पोशाक नलगाउने कर्मचारीहरुलाई प्रचलित कानून बमोजिम कारबाही गर्न सम्बन्धित निकायमा लेखी पठाइएको छ ।