मेयर बालेन साहलाई प्रमुख कार्यकारी अधिकृत वसन्त अधिकारीले कर्मचारी तहबाट दरिलो साथ दिइरहेका छन् । जसको परिणम हो काठमाडौं महानगरपालिका अब अनलाइनबाटै भवन नक्सापास गर्न सकिने भएको छ। महानगरले १ जेठबाट लागू हुने गरी ३१ वैशाखमा नगर प्रमुखस्तरीय निर्णयबाट कागजरहित सेवा सुरु गरेको हो।

Advertisement 1

नक्सा स्वीकृति प्रक्रियाका लागि दर्खास्त फारम भर्नुपर्ने, कार्यालय जानुपर्ने, हार्डकपी बुझाउनुपर्नेजस्ता परम्परागत शैली बन्द गरेको महानगरले जनाएको छ। भवनको नक्सा अनलाइन प्रणालीबाट सुरु गर्नका लागि इलेक्ट्रोनिक विल्डिङ् परमिट सिस्टम (ईबीपीएस) प्रणाली अद्यावधिक गरिएको छ । यो प्रणाली भवन नक्सा पास गर्ने कामलाई व्यवस्थित बनाउने अनलाइन प्रणाली हो । सेवाग्राहीको हातहातमै सेवा दिने, जहाँबाट पनि सेवा लिन सकिने एकीकृत विद्युतीय सुशासन प्रणालीको व्यवस्था गरिसकेको छ।

०४९ सालबाट निजामती सेवामा पाइला राखेका अधिकारीले जागिरे जीवनमा ३० बर्ष समयमध्ये अधिकांश समय स्थानीय तहमै बिताएका छन् । सहलेखापालको रुपमा निजामती सेवामा प्रवेश गरेका अधिकारी ५२ सालमा महालेखापरीक्षक विभाग,०५३ सालमा नेपाल राष्ट्रबैंकमा कार्यरुत रहे । त्यसपछिका पाँच बर्ष लोकसेवा आयोगमा कार्यरत रहेका उनी खुलाबाट उपसचिवमा नाम निकालेसँगै शान्ति तथा पुर्ननिर्माण मन्त्रालयमा २ बर्ष काम गरे । विभिन्न स्थानीय निकायमा पाँच बर्ष समय व्यतित गरेका उनी त्यस पछि स्वास्थ्य मन्त्रालय,भौतिक मन्त्रालयमा काम गरे । ७४ सालमा सहसचिवमा बढुवा भए पछि उनी ५ महिना सुर्खेतको प्रमुख जिल्ला अधिकारी चलाए । झण्डै २ बर्ष समय प्रदेशमा बिताएका उनी साढे दुई बर्षदेखि संघीय मामिला तथा सामान्य प्रशासन मन्त्रालयमा कार्यरत थिए । निजामती सेवाभित्र इमान्दार छविका प्रशासकका रुपमा चिनिएका उनले महानगरपालिकाको मेयर र उपमेयरको स्प्रीड अनुसार काम गरिरहेका छन् ।

Advertisement 2

महानगरपालिको राजश्वर आम्दानी बढाउने,पूँजीगत खर्च न्यून रहेकोले त्यसलाई बढाउने ढंगले काम गर्ने र व्यवस्थापन सुधारको पक्षमा केन्द्रित रहेर काम गरिरहेका छन् ।