सरकारले लाखौं कर्मचारीको बीचबाट उत्कृष्ट १० र ३० जना निजामती सेवा पुरस्कार पाउन योग्य कर्मचारीको नाम सार्वजनिक गरेको छ ।

Advertisement 1

निजामती दिवसका अवसर पारेर १० जनालाई उत्कृष्ट निजामती सेवा पुरस्कार र ३० जनालाई निजामती सेवा पुरस्कार प्रदान गर्ने लागिएको हो ।
यस बर्षको उत्कृष्ट निजामती पुरस्कार पाउनेमा निर्देशक पदम कुमार श्रेष्ठ,उपसचिव दिपक प्रसाद खतिवडा,हरिप्रसाद ज्ञवाली,मुना शर्मा,प्रकाश राज पौडेल,शोभाखर रेग्मी,सन्तोष पौडेल रहेका छन् ।
यस्तै सिनियर डिभिजनल इञ्जिनियर सचिन्द्र कुमार यादव,शाखा अधिकृत रुकु शर्मा पौडेल र सहलेखापाल मंहगु लोध रहेका छन् । उत्कृष्ट निजामती सेवा पुरस्कारको राशी १ लाख रहेको छ । यस बर्ष सरकारले व्यावसायिक र सृजनशील प्रशासन विकास, समृद्धि र सुशासन भन्ने मूल नाराका साथ आज १९ औ निजामती दिवस मनाइदैंछ
यस्तै ५० हजार रुपैयाँसहित ३० जनालाई निजामती सेवा प्रदान गरिने भएको छ । तिनका नाम पनि सार्वजनिक गरिएको छ । कुनै पनि निजामती कर्मचारीले सर्वोत्कृष्ट निजामती सेवा पुरस्कार पाउन नसकेको यो लगातार पाँचौं बर्ष हो ।