मन्त्रिपरिषद्को श्रावण ३ गतेको बैठकले ११ जना सचिवको सरुवा र २ को पदस्थापन गरेको छ । तीन लटमा गरेर टुंग्याइएको सचिव सरुवामा पूर्व मुख्यसचिव शंकरदास वैरागी हावी भएको आवाज निजामतिभित्रैबाट सुनिन थालेको छ ।

Advertisement 1

सरुवा भएकामा गोकर्णमणि दुवाडी, दामोदर रेग्मी, सुरेश अधिकारी, भरतराज सुवेदी, तोयाम राय, मधुसुदन बुर्लाकोटी, सूर्यमणि गौतम, रामकृष्ण सुवेदी, डा गोपि खनाल, मुकुन्द निरौला र रविलाल पन्थ लगायत रहेका छन् ।

केपी ओलीको पेलानमा परेर ६ पटकमा सचिवमा उक्लिएका गोकर्णमणि दुवाडीलाई मधेश प्रदेशको प्रमुख सचिवमा खटाइएको थियो त्यहाँबाट निर्वाचन आयोगमा गएको पनि दुई वर्ष हुनै लागेको थियो । मन्त्रालयको मुखै नहेरी घर जालान्जस्तो स्थिती थियो । अहिले भूमि व्यवस्था, सहकारी तथा गरिबी निवारण मन्त्रालयमा पठाइएको छ । शंकरदास बैरागी मुख्यसचिव हुँदा सरुवा हुनै लागेको थियो । तर, उनले राजीनामा दिएपछि रोकिएको सरुवा बल्ल भएको हो त्यहाँका सचिव दामोदर रेग्मीलाई सार्वजनिक खरिद अुगमन कार्यालयतिर ठेलिएको छ ।
निर्वाचन आयोगमा युवा तथा खेलकुद मन्त्रालयका सचिव सूर्यमणि गौतमलाई पठाइएको छ । गौतमले यस अघि सचिवका रुपमा सामान्य प्रशासन चलाइसकेका छन्,महालेखा पनि बसेका हुन । युवा, खेलकुद सचिव सूर्य गौतमलाई पनि सरुवा गर्नुपर्ने भनेर मन्त्रीले प्रधानमन्त्रीले भनेपछि निर्वाचन आयोगमा पठाइएको बताइन्छ । तोयम रायलाई पनि उपराष्ट्रपतिकहाँ अप्ठेरो भएको थियो । रामप्रसाद थपलिया ५८ बर्षे उमेर हद लागेर घर गए पछि रिक्त रहेको तथ्यांक कार्यालयमा हाकिम भएर गएका छन् ।

Advertisement 2

बागमती प्रदेशका प्रमुख सचिव निरौलाले उद्योग, वाणिज्य तथा आपूर्ति मन्त्रालयको जिम्मा पाएका छन् मुकुन्दलाई उद्योगमा ल्याउनका लागि मन्त्री रमेश रिजाल नै लागेका थिए । सचिव बढुवा भए पछि निर्वाचन आयोगदेखि सामान्य प्रशासन ताकेर बसेका निरौला ललिता निवास जग्गा प्रकरणमा जोडिएका कारण रोकिदै आएकोमा उनलाई उद्योगमा तानिएको छ । प्रदेशबाट संघमा उक्लनु अघि १२ जना कर्मचारीहरुको तह वृद्धि गरी लाभ लिएको आरोप उनीमाथि बाग्मतीका कर्मचारीहरुले लगाउँदै आएका छन् । उनको ठाउँमा घनश्याम उपाध्यक्ष पोष्टिङ भएका छन् लक्ष्मी बस्नेत गण्डकी प्रदेशको प्रमुख सचिवको जिम्मेवारीमा पुगेकी छिन् । बढूवा भएका सचिवहरुलाई पोष्टिङ गर्न तीन साता लागेपछि नयाँ मुख्यसचिवको निरिहता भन्दैछन्,कतिपय सचिवहरु । लक्ष्मीसहित निजामतीमा महिला सचिवको संख्या ८ पुगेको छ ।
गण्डकीका प्रमुख सचिव पन्थलाई युवा तथा खेलकुद मन्त्रालयमा तानिँदा कर्णाली प्रदेशका प्रमुख सचिव डा खनालको प्रधानमन्त्री तथा मन्त्रिपरिषद्को कार्यालयमा लगिएका छन् । गोपी एक महिना पछि ५८ बर्षे उमेर हद लागेर घर जाँदैछन् । गोपीलाई सिंहदरबारमा तानिएसँगै अहिले तीन वटा प्रदेश प्रमुख सचिवविहिन भएका छन् । प्रधानमन्त्री तथा मन्त्रिपरिषद्को कार्यालयमा आठ सचिवलाई थुपारिएको छ ।

यस्तै शंकर पोखरेल निकट मानिएका भरत सुवेदीलाई संस्कृति, पर्यटन तथा नागरिक उड्डयन मन्त्रालयमा पठाइएको छ भने त्यहाँका सचिव सुरेश अधिकारीलाई शिक्षा मन्त्रालयमा सरुवा गरिएको छ । शिक्षा मन्त्रालयका रामकृष्ण सुवेदीको वित्त आयोगतिर ठेलिएका छन् । माओवादीले चलाएको पर्यटनबाट सुरेश अधिकारी जसपाका अशोक राईले चलाएको शिक्षामा पुगे ।
यस पटक ११ सचिव चलाइँदा गृह, अर्थ नचलेका कारण धेरै हल्लाखल्ला भएन । सचिव बनेर मन्त्रालयको अनुहार देख्न नपाएका मधुसुदन बुर्लाकोटीलाई उपराष्ट्रपतिको कार्यालय पठाइएको छ भने तोयम रायलाई प्रधानमन्त्री कार्यालयमा तानिएको छ ।
पूर्व मुख्य सचिव शंकरदास बैरागीले खरिद अनुगमन कार्यालयको काममा सहयोग नगरेको गुनासो सामाजिक सञ्जालमा पोखेकै कारण मधुसुदन बुर्लाकोटीलाई उपराष्ट्रपति कार्यालय पुर्याइएको बताइन्छ ।