आजैदेखि निजामती सेवाबाट अनिवार्य अवकाशमा जाने सचिव जागिरको अन्तिम दिनसम्मै कोरियातिर घुमघाममा छन् । विमानस्थलको सुन र रक्सी तस्करी काण्डमा आफैँद्वारा कारवाहीका लागि स्पष्टिकरण सोधिएका पर्यटन बोर्डका प्रमुख कार्यकारी अधिकृत धनञ्जय रेग्मीको पाहुना बनेर पर्यटन सचिव महेश्वर न्यौपाने विदेश हिँडेका हुन् ।

Advertisement 1

र, आज जागिरको अन्तिम दिन फर्किंदै छन् । प्रेम आले मन्त्री हुँदा कारवाहीका निम्ति उनैले बोर्ड अध्यक्षका हैसियतमा धनञ्जयलाई पुर्जी काटेका थिए । बोर्ड सदस्य मदन आचार्यले धनञ्जयलाई हटाउने निर्णयमा सही नगर्दा आलेको योजना कार्यान्वयन भएन । यसरी आफूलाई बचाइदिएबापत धनञ्जयले मदन आचार्य र लीला लामा (निमा) लाई पनि विदेश लिएर गएका छन् ।धनञ्जय र मदन दुबै स्याङ्जाली हुन् । बोर्ड उपाध्यक्ष चन्द्र रिजालहरूको छानवीनमा पनि उनले साथ दिएनन् । अनि, सचिव महेश्वरले विदेशबाट फर्केर आफ्नो जागिरे जीवनको अन्तिम दिन ओएनएम सर्वे पारित गर्र्दै कर्मचारी भर्तीको बाटो खुलाइदिँदै छन् ।

उता, केही कर्मचारी कार्यालय समयमै मन्त्रालय गएको नाममा स्पष्टिकरण सोधिनेमा परेका छन् । पर्यटन बोर्डमा कार्यरत ५०–६० कर्मचारीमध्ये ट्रेड युनियन अधिकारप्राप्त ३७ मात्रै छन् । तीमध्ये ३१ जना त वामपन्थी नै हुन् ।

Advertisement 2

तर, आधिकारिक युनियनका अध्यक्षचाहिँ कांग्रेसका छन् । युनियन नेता छनौटका लागि मन्त्रालय गएका कर्मचारीलाई धनञ्जयले किन गयौ भन्दै विदेश जानुअघि स्पष्टीकरण सोधेका थिए । अहिले त्यहाँ कांग्रेसको थिचोमिचो भयो भनेर अलग्गै युनियन बनाउने तयारीमा वामपन्थीहरू छन् । अचम्म कस्तो छ भने, मन्त्रालयभरि जम्मा ६ जना कांग्रेस छन्, तिनले नै सबैलाई घुमाइरहेका छन् ।

धनञ्जयचाहिँ समाजवादीका उपमहासचिव डा।विजय पौडेल र एमाले सचिव योगेश भट्टराईको च्यानलबाट सेटिङ गरेर प्रमुख कार्यकारी अधिकृत भएका हुन् ।