अन्जान कुमार हिमाली

Advertisement 1

नेकपा नेताहरुको गाँड कोराकोरले हौसिएका काँग्रेसी व्यापारीले परिणाममा यस्तो पल्लाभारी होला भनेर एकरत्ति पनि सोचेका थिएनन् । न प्रगतिशिल प्यानलबाट प्रतिष्पर्धी बनेका उम्मेदवारले नै लज्जास्पद हार ब्यहोर्नु पर्छ भनेर सोचेका थिए । आँकडा मिश्रित हुने अनुमान थियो भने अध्यक्ष हुनेले धेरैमा ५०/६० को मतअन्तरले विजयी हुने आंकलन गरिएको थियो । तर म ताक्छु मुडो बन्चरो ताक्छ घुँडो भनेझै विगत मा जितेका सबै इकाई समेत बापन्थी उम्मेदवारले गुमाउनु पर्यो । माओबादी र एमाले पानी बाराबारको अवस्थामा हुँदा पनि लमजुङमा सहकार्य गरी दुधपोखरी गाउँपालिका र मध्यनेपाल नगरपालिका बाहेक सबै स्थानीय निकाय जितेको नेकापाले यही पौष २५ गते भएको उद्योग बाणिज्य संघको को निर्वाचनमा भएको पराजय लाई अर्थपूर्ण रुपमा हेरिएको छ । के अब वामपन्थीहरुको दिन सकिएकै हो त भन्ने प्रश्न मा बाम बुद्धिजीवी डा. बालकृष्ण बराल यही चुनावलाई लिएर समग्र विश्लेषण गर्न नमिल्ने बताउँदै गर्दा यो निर्वाचनलाई डेमोको रुपमा हेर्न सकिने बताउँछन् । बेसीशहर नगरपालिकाका मेयर पार्टीमा आएको बदलावकै कारण मात्रै उद्योग वाणिज्य संघको निर्वाचन हार ब्यहोर्नु परेको ठ्याकै स्वीकार नगरेपनि नकार्न भने सक्दैनन् ।

भन्छन् केही प्राविधिक त्रुटि र एक्सरसाइज नपुगेर जितेको इलाकाहरु पनि गुमाउन पुगेको ठान्छन् । पूर्व एमालेहरू पूर्व माओवादी कै भएपनि जिल्ला अध्यक्ष का उम्मेदवार लाई विजयी गराउन मरिमेटी गरेका थिए । माननीय धनन्जय दवाडी, धर्मराज श्रेष्ठ ले जुन ढंग ले लागेका थिए माओबादीका नेता कार्यकर्ताहरुले अलिकति साथ मात्रै दिएको भए निर्बाचन सजिलै जित्ने थिए ।  मंसीर मसान्तमै रिन्यू रोकिएपनि कांग्रेसी पेलाइमा परेर पौष १४ सम्म रिन्यु समय थप्नु, नेकपा समर्थित व्यवसायीका लागि गलपासो बन्यो । कर्मचारी, अध्यक्ष उनीहरूकै फेवरका भएपनि नेकपा विभाजन संघारमा मात्रै नपुग्दो हो त वाणिज्य संघमा पनि काँग्रेस धुलिसाफ हुनेमा कुनै गुन्जायस थिएन । तर भाइ फुटे गोवर लुटे भने झै नेकपा फुटको प्रत्यक्ष लाभ काँग्रेसीहरुले लिए । यसो त निर्बाचन अधिकृत तोकिएका नापी कार्यालयका हाकिमले काग्रेस समर्थित उम्मेदवारलाई दोब्बर तेब्बर मतपत्र प्रदान गरेको समेत बजार हल्ला छ ।

Advertisement 2

पैसाको चलखेल, झण्डै आधा जसो फर्जी मतदाता त थिए नै  कांग्रेस समर्थित का उम्मेवार गुणराज  सिलवाल दुई वर्ष पहिले देखिनै आफूलाई अध्यक्षको उम्मेदबार भनी प्रचार प्रसारमा जुटेका थिए । भने निर्बाचनको मिति टुंगो लगाएर दलबल सहित काँग्रेसी व्यापारी प्रचारमा निस्कँदा समेत प्रगतिशिलले उम्मेदवारको  छिनोफानो लगाउन सकेको थिएन । जसका कारण नेकपा समर्थित व्यवसायीहरुकै वर्चस्व रहेको इकाई समेत गुमाउन पुग्यो । नेकपा कै  बाहुल्य रहेको भोर्लेटार, दुइपिप्ले, सुन्दरबजार, भोटेओडार, राईनास, तिनपिप्ले र अघिल्लो निर्वाचनमा नेकपा समर्थित व्यवसायीले विजयी हासिल गरेका उदिपुर इकाईमा समेत गुमाउनु पर्यो । गैर ब्यबसायी, फर्जी मत, भारतीय व्यापारीलाई काँग्रेसी व्यापारीहरुले राम्रै प्रयोग गरे । इकाईहरुमा जे भएपनि जिल्लामा कडा प्रतिस्पर्धा र मिसमास हुने, सबै पदमा आफ्ना उम्मेदवार विजयी हुनेमा कांग्रेसीहरु ढुक्क थिएनन् तर नेकपा फुटले उनीहरुलाई लट्री पर्यो । फलतः लोकतान्त्रिक भनिएको पक्षका प्यानलै विजयी भए ।अध्यक्षका प्रत्यासी प्रगतिशीलका श्रीकष्ण लामिछानेलाई ३ सय १४ फराकिलो मतअन्तरले  गुणराज सिलवालले  १३ सय ४५ मत प्राप्त गरी विजयी भए ।
प्रथम उपाध्यक्षमा विकास श्रेष्ठलाई मृगेन्द्र घिमिरेले १२ सय ४९ मत प्राप्त गरी पछारे । भारी मतले श्रेष्ठ विजयी हुने अनुमान गरिएपनि उनको मत ११ सय ९० मा सिमित रहनपुग्यो । द्धितीय उपाध्यक्षमा भरतकुमार श्रेष्ठ १३३५, प्रत्यासी भरत विष्ट १०१३, 
तृतीय उपाध्यक्षमा कृष्णजंग गुरुङ १३ सय ८६ प्रत्यासी रविन विश्वकर्माले ९ सय ६८ मत प्राप्त गरे ।त्यस्तै महिला सदस्यमा आइशा मिया १२ सय ८७ मनु पन्त ११ सय ९५ मत ल्याएर विजयी भए भए भने प्रतिद्धन्द्धी अनुपमा पुनले १ हजार ५ र कल्पना थापाले १ हजार ७८ मत प्राप्त गरेका थिए ।
खुला सदस्यमा शिवराम सिलवाल १२ सय ५२, सुरेशकुमार प्रधान १२ सय ८८ र प्रदीप बस्नेतले १२ सय ७४ मतले विजयी भए। भोर्लेटार, सुन्दरबजार, भोटेओडार, उदिपुर, नेकपा को पकट भनेको इकाई मा काङ्ग्रेस समर्थित क्रमशः फजिर मिया, डण्डा बहादुर सुनार, मानकृष्ण आचार्य, अमृत श्रेष्ठ विजयी बने । काङ्ग्रेस छाडेर नेकपा प्रवेश गरेका बेसीशहर का सिजन श्रेष्ठ ले पनि जित्ने प्रबल सम्भावना हुँदा हुँदै पनि काँग्रेस ले दरै शक्ति प्रयोग गरी हरायो । जहाँ विपिन श्रेष्ठ विजयी बने। कूल २६ सय ८४ मतदाता रहेकोमा २४ सय ६७ मत खसेको थियो ।