लामिछानेको अध्यक्षतामा समाजवादी मोर्चा रसुवा गठन
रसुवा जिल्लामा समाजवादी मोर्चा गठन भएको छ । पर्यटन व्यवसायी शिव लामिछानेको नेतृत्वमा समाजवादी मोर्चा,रसुवा गठन भएको हो । लामिछाने नेकपा एकीकृत समाजवादी पार्टीका रसुवा जिल्ला अध्यक्ष समेत हुन । मोर्चामा नेकपा एकीकृत समाजवादी,नेकपा माओवादी केन्द्र,विप्लब माओवादी र जनता समाजवादीका सदस्य रहेका छन् ।
Advertisement 1
मोर्चा गठन कार्यक्रमका लागि केन्द्रबाट एकीकृत समाजवादी पार्टीको स्थायी कमिटि सदस्य सावित्री भुसाल लगायतका नेताहरु रसुवा पुगेका थिए ।
कमिटीम फुर्पु तेन्जिङ तामाङ, सङकर सि, नेपाल पत्रकार महासंघ रसुवा शाखाका अध्यक्ष तथा माओवादी जिल्ला नेता केशव पौडेल, राम प्रसाद नेउपाने, होम सि सदस्य रहेका छन् । कमिटीमा जसपाको २ र एक महिला सदस्य पछि थपिने लामिछानेले जनाएका छन् ।
Advertisement 2
समाजवादी मोर्चा नेपाल ले आगामी पुष ९ गते रसुवा कालिकास्थानमा सन्देश सभा आयोजना गर्ने जनाएको छ ।
