काठमाडौं। अन्तरराष्ट्रिय बजारमा सुनको मूल्यमा वृद्धिभएसँगै त्यसको प्रभाव स्थानीय बजारमा पनि परेको छ। सोमबारको तुलनामा आज १ तोला सुन २ हजार ३०० ले महँगो भएको छ।

Advertisement 1

नेपाल सुनचाँदी व्यवसायी महासङ्घका अनुसार सोमबार रु २ लाख ३३ हजार १०० मा कारोबार भएको १ तोला सुनको मोल आज रु २ हजार ३०० ले बढेर रु २ लाख ३५ हजार ४०० कायम भएको छ। चाँदीको मूल्य भने स्थिर छ।

सोमबार १ तोला चाँदी रु २ हजार ९६० मा खरिदबिक्री भएको थियो। गत आइतबार १ तोला सुन रु २ लाख ३० हजार ६०० मा किनबेच भएको थियो भने त्यति नै परिमाणको चाँदी रु २ हजार ९३० मा क्रयविक्रय भएको थियो।

Advertisement 2

अन्तरराष्ट्रिय बजारमा आज १ औँस सुन ३ हजार ९६५ अमेरिकी डलरमा कारोबार भइरहेको अन्तरराष्ट्रिय सञ्चारमाध्यमहरूले जनाएका छन्।