तिलोत्तमा नगरपालिकाका प्रमुख प्रशासकीय अधिकृत जीवन ज्ञवालीको कार्यकक्षमा जनप्रतिनिधिहरूले ताला लगाइदिएका छन्। नगरसभामा विवाद बढ्दै जाँदा प्रमुख प्रशासकीय अधिकृत ज्ञवालीले एक पक्षीय ढंगले काम गरेको भन्दै उपप्रमुख जगेश्वरदेवी चौधरीको नेतृत्वमा गएका जनप्रतिनिधिहरूले ताला लगाएका हुन्।

Advertisement 1

नगरपालिकाको १२औँ नगरसभाको तेस्रो र चौँथो बैठकको उपस्थिति र गणपुरक संख्यामा ज्ञवालीको भुमिका विवादास्पद रहेको एमाले निकट जनप्रतिनिधिहरुको आरोप छ। उपप्रमुख चौधरीले प्रशासकीय अधिकृत ज्ञवालीले नियोजित रुपमा नगरसभाका एकै दिनका बैठकमा अलगअलग उपस्थिति गराउने गरेको आरोप लगाइन्।

‘आइतवार बोलाइएको नगरसभाको चौँथो बैठकमा सबै जनप्रतिनिधि उपस्थित भएपनि एमालेका ४२ जना प्रतिनिधिले हस्ताक्षर गरेपछि कांग्रेसका उपस्थित भएर पनि हाजिर गरेनन्। एमालेका उपस्थित बाँकीलाई हस्ताक्षर गर्न दिइएन। यो काम प्रमुख प्रशासकीय अधिकृतको योजनामा भएको हो,’ उनले भनिन्।

Advertisement 2

हामीले उपस्थीति गरेको उपस्थीति पुस्तिका गायब पारेर प्रशासकीय अधिकृत ज्ञवालीको योजनामा कांग्रेसबाट निर्वाचित जनप्रतिनिधीहरुको मात्रै उपस्थीति तयार गरी हस्ताक्षर गराएकोले नैतिक हिसाबले ज्ञवाली नगरपालिकाको प्रशासकीय अधिकृत स्वीकार्य नहुने चौधरीेले बताइन् ।