विश्वराज पोखरेलले दायर गरेको रिट खारेज
नेपाल प्रहरीका एआइजी विश्वराज पोखरेलको रिट खारेज भएको छ । आइजीपी नियुक्तिको सम्बन्धमा पोखरेलले दायर गरेको रिट खारेज गरिदिएको छ । सरकारले आफूभन्दा कनिष्ट धीरज प्रताप सिंहलाई नेपाल प्रहरीको महानिरीक्षक (आईजी) बनाउने निर्णय गरेपछि सोकाविरुद्ध गत वैशाख १९ गते सर्वाेच्चमा रिट दायर गरेको थिए ।
सरकारले वरीयताको तेस्रो नम्बरमा रहेका सिंहलाई नयाँ आईजी बनाएपछि पोखरेल सर्वोच्च पुगेका थिए। पोखरेलले आईजी बढुवाका लागि आफूमात्र योग्य रहेको जिकिर रिटमा गरेका थिए। उक्त रिटमा कामु प्रधानन्यायाधीश दीपककुमार कार्की र न्यायाधीश कुमार चुडालको शुक्रबारको संयुक्त इजलासले विश्वराज पोखरेलले दायर गरेको रिट खारेज हुने फैसला सुनाएको हो।
आजै रिट निवेदक पक्षका कानुन व्यवसायीले जबाफी बहस सकेपछि सर्वोच्चले सरकारकी निर्णय सदर हुनेगरी रिट खारेज हुने फैसला सुनाएको हो।
Advertisement 1
प्रकाशित :२०७९ असार ३१, शुक्रबार १५:२४
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
