अख्तियार दुरुपयोग अनुसन्धान आयोगले रुपन्देहीको ओमसतिया गाउँपालिकाका तत्कालीन प्रमुख प्रशासकीय अधिकृत राजु नेपालसहित पाँच जनाविरुद्ध भ्रष्टाचार मुद्दा दायर गरेको छ ।
आयोगले रुपन्देहीको ओमसतिया गाउँपालिकाका तत्कालीन प्रमुख प्रशासकीय अधिकृत, इन्जिनियर, सब–इन्जिनियर र उपभोक्ता समितिका अध्यक्षसहित ५ जनाविरुद्ध पालिकालाई हानि पुर्‍याएको अभियोगमा विशेष अदालतमा मुद्धा दायर गरेको छ। आयोगले उनीहरूलाई २ करोड ६१ लाख ८ सय ५५ हजार रुपैयाँ भ्रष्टाचार गरेको अभियोग लगाएको हो ।
ओमसतिया गाउँपालिका—४ मटेरिया गाउँको मुख्य सडकको पीसीसी गर्ने कार्यमा लागत अनुमान अनुसारको मोटाइमा ढलान नगरी सोभन्दा कम मोटाइमा ढलान गरेको भेटिएको तर नापी किताब तथा बिल पेश गर्दा फिल्डमा भएको भन्दा समग्र पीसीसी परिमाणमा बढी उल्लेख गरी उक्त रकम भ्रष्टाचार गरेका देखिएको भन्दै आयोग उनीहरू विरुद्ध मुद्दा दायर गरेको हो।

Advertisement 1

ओमसतिया गाउँपालिका–४, मटेरिया गाउँको मुख्य सडकमा पीसीसी काममा लागत अनुमानभन्दा कम मोटाइमा ढलान गरेको तर नापी किताब तथा बिल पेश गर्दा फिल्डमाभन्दा समग्र पीसीसी परिमाणमा बढी उल्लेख गरी दुई लाख ६१ हजार ८५५ रुपैयाँ ९० पैसा नोक्सान पुर्याएको आरोपमा अख्तियारले उनीहरुविरुद्ध भ्रष्टाचार मुद्दा दायर गरेको हो ।

अख्तियारले तत्कालीन प्रमुख प्रशासकीय अधिकृत नेपालसँगै इञ्जिनियर लवकुश चाई र सब इञ्जिनियर सन्तोष भूसालविरुद्ध भ्रष्टाचार मुद्दा दायर गरेको हो । अख्तियारले उनीहरुबाट गैरकानुनी रुपमा हानी नोक्सानी भएको दुई लाख ६१ हजार आठ सय ५५ रुपैयाँ ९० पैसा जफत गर्नुपर्ने दाबी गरेको छ ।