सिरहाको लहान नगरपालिकाको एउटै कार्यालयमा रहेका ६० मध्ये २३ कर्मचारी समयमा कार्यालय उपस्थित नभएको पाइएको छ । नगरपालिकाको मेयर महेश प्रसाद चौधरीले कार्यालय समयमा कार्यालयमा अनुगमन गर्ने क्रममा दरबन्दी रहेका ६० मध्ये २३ कर्मचारी अनुपस्थित रहेको भेटिएको हो ।

Advertisement 1

मेयर चौधरीले कार्यालयमा अनुगमन गर्दा समयमा अनुपस्थित रहेका २३ जना कर्मचारीसँग स्पष्टीकरण समेत सोधेका छन् । समयमा कार्यालय अनुपस्थित भएका ती कर्मचारीहरुलाई आवश्यक कारबाही गर्न प्रमुख प्रशासकीय अधिकृतलाई निर्देशन दिइएको मेयर चौधरीले जानकारी दिएका छन । मेयर चौधरीले उनीहरुलाई २४ घण्टाभित्र स्पष्टीकरण पेश गर्न निर्देशन दिइएको छ । कर्मचारीहरु रामविलास महतो,अञ्जनाकुमारी साह,उमेशकुमार महतो,पुनिता महरा,अरुणकुमार चौधरी, उमेरकुमार महतो,महादेव मण्डललाई स्पष्टीकरण सोधिएको पालिकाले जनाएको छ ।

त्यसैगरी,राजकुमार मेस्तर,सीतादेवी चौधरी,जगदीश मण्डल,सुशीलकुमार साह,अनिक यादव,रिता यादव, पंकज यादव,रमानन्द बडियैत, एकमनि सिपलिया,अमिरीकुमार यादव,नरेन्द्रनारायण चौधरी, सन्तोषकुमार यादव,देवनारायण साह,त्रिपिल लाल चौधरी, मनोजकुमार महतोलाई पनि स्पष्टीकरण बुझाउन भनिएको छ ।
यस अघि मेयर चौधरीले हेल्थपोष्टमा अनुगमन गर्दा त्यहाँ कार्यरत रहेका ६ जना मध्ये ४ जना कर्मचारी प्रशासन शाखालाई खबर नै नगरी कार्यालयमा हाजिर गरेर घर फर्किएको भेटिएपछिट उनीहरुसँग पनि स्पष्टीकरण सोधिएको मेयर चौधरीले सुनाए ।