सरुवा भएको महिना दिन व्यतित भइसक्दा समेत टेकनारायण पाण्डे कार्यालयमा हाजिर भएका छैनन् । गत भदौं २७ को मन्त्रिपरिषद् बैठकले गृह सचिव टेकनारायण पाण्डेसहितका चार जना सचिवको सरुवा गरेको थियो ।

Advertisement 1

पाण्डेलाई गृहबाट उपराष्ट्रपतिको कार्यालयमा पठाएर प्रदेशबाट तानेर विनोद प्रकाश सिंहलाई गृहमा भित्राइएको थियो ।

गृहबाट सरुवा भइसकेका तीन दिन पछि तिनै सचिव पाण्डे लाजै पचाएर गृहसचिवकै हैसियतले अष्ट्रेलिया उडे ‘एसिया प्यासिफिक मिनिस्टेरियल कन्फरेन्स अन डिज्यास्टर रिस्क रिडक्सन–२०२२’ मा सहभागी भए । र फर्किए तर उनी विदेशबाट फर्किए पनि न त रमाना पत्रै बुझेका छन न त सरुवा भएको कार्यालयमा हाजिर हुनै पुगेका छन् ।

Advertisement 2

प्रधानमन्त्री तथा मन्त्रिपरिषद्को कार्यालयको वेवमा पाण्डेलाई उपराष्ट्रपति कार्यालयकै सचिवको हैसियतमा राखिएको छ तर सरुवा भएको एक महिना सात दिन व्यतित भइसक्दा समेत पाण्डे लैनचौरस्थित कार्यालयमा हाजिर हुन पुगेका छैनन् ।

उपराष्ट्रपति कार्यालय स्रोतका अनुसार आज बिहान बिहिबारसम्म सचिव पाण्डे त्यहाँ हाजिर हुन पुगेका छैनन् ।

उपराष्ट्रति कार्यालयका एक कर्मचारीले ‘खै,हामीले महिना दिन अघि नै उहाँको गृहबाट सरुवा भएर उपराष्ट्रपति कार्यालयमा पठाइयो भन्ने सुनेका हौं तर हिजोसम्म हाजिर हुन आउनुभएको छैन् ।’

कार्यालयका ती कर्मचारीले भने,महिना दिनदेखि कार्यालय सचिवबिहिन छ । प्रधानमन्त्री कार्यालयले टेकनारायण सरलाई यता पठाएको भन्ने सुनेका हौं न उहाँ कार्यालय हाजिर हुनुभएको छ न अरु सचिव नै यता खटाइएको नै थाहा छ ।

उपराष्ट्रपति कार्यालयका ४ असोजदेखि सचिवबिहिन छ । त्यहाँका सचिव हरि मैनाली महालेखा नियन्त्रकको जिम्मेवारी सम्हाल्न गएसँगै कार्यालय सचिवविहिन बन्न पुगेको छ । जागिरे जीवनको लामो अवधि शिक्षा सेवामा बिताएका पाण्डे पाण्डे ओली प्रधानमन्त्री हुँदा पद्या अर्यालको रोजाईमा भूमि व्यवस्था मन्त्रालयमा पुगेका थिए ।

प्रधानमन्त्री पत्नी आरजु राणा’ देव्रे’ हुँदा सचिव पाण्डे गृहबाट लखेटिएर उपराष्ट्रपति कार्यालयमा पुगेका थिए ।तर सरुवा भएको एक महिना सात दिन व्यतित भइसक्दा समेत उनी कार्यालयमा हाजिर हुन पुगेका छैनन् ।