गृह मन्त्रालयले एक प्रहरीलाई सेवाबाटै बर्खास्त गरेको छ । मन्त्रालयले प्रहरी निरीक्षक राजुप्रसाद कुर्मीलाई ‘भविष्यमा सरकारी सेवाका लागि अयोग्य नठहरिने गरी सेवाबाट हटाउने’ गरी विभागीय कारबाहीको प्रक्रिया अघि बढाएको जनाएको छ । मन्त्रालयद्धारा प्रकाशित एक सूचना अनुसार, पदीय जिम्मेवारी पूरा नगरी लापरबाही गरेको अभियोग’मा कुर्मीलाई सेवाबाट हटाउने भएको छ । सूचनामा विभागीय कारबाही गर्नु नपर्ने कुनै मनासिब कारण भए बाटोको म्यादबाहेक सात दिनभित्र स्पष्टीकरण पेश गर्न भनेको छ । कुर्मी पर्सा कालिकामाई गाउँपालिका–५का बासिन्दा हुन् । उनी अख्तियार दुरुपयोग अनुसन्धान आयोगको हेटौंडाको दरबन्दीमा थिए ।

Advertisement 1