पाँच बर्षको अवधिमा जनप्रतिनिधि भएर काम गर्ने शिलशिलामा नौकुण्डको शिरदेखी पाउ सम्मका बृद्ध-बृद्ध बा-आमा ,महिला युवा जमात सबै सबैको दुख ,अभाव र आकंक्षलाई धेरै गहिरो रुपमा महशुस गरेको छु ।

सायद कुनै यौटा घर छैन जुन घरको यौटा न यौटा युवा

सदस्य हरियो पास्पोर्ट बोकेर आफूलाई माया गर्ने सम्पुर्ण परिवारबाट टाढिएर पराईको देशमा युवा जोस र जागरलाई पराईकै माटो उर्बर बनाउन खटिएको नहोस् ।

जनताको लागि चुनिएकि म जनप्रतिनिधि जनताको घरघरमा पुगिरहदा देखिएका भेटिएका थुप्रै समस्य र पीडाहरु मध्ये गाउँ गाउँबाट युवाशक्ति बिदेशिनु परेको बाध्यतालाई हेर्दा अत्यन्त मन चिसो हुने गर्थ्यो र गाउको युवालाई गाउमै भरपर्दो रोजगार सिर्जना गरि बिदेश भन्दा स्वदेश नै बलियो निर्भर कसरी बनाउन सकिएला जस्ता प्रश्नहरुले मस्तिष्कमा ठाउँ जमाउथ्यो । जनता संग प्रत्यक्ष जोडिएर जनताको कथा ,ब्यथा ,भावना बुझ्दै पालिका भित्रको समग्र भुगोल र भुगोल भित्रका सम्भावनाहरुलाई गहन रुपमा नियाल्द नौकुण्ड गाउपालिकाको सवालमा हरेक गाउको हरेक युवा ,महिला बृद्ध सम्मलाई दक्षता अनुसारको अवसर प्रदान गर्न सक्ने गरिको योजनाहरु बनाउन सकिने प्रसस्त स्रोतहरुलाई नजिकबाट जान्ने अवसर जुर्यो ।

संघियता स्थापना भएपछिको पहिलो जननिर्वाचित प्रतिनिधि हामी, हाम्रो सुरुवाती समय भौतिक स्रोत साधन समतेको जोरजाम सहित पालिकालाई पुर्ण ब्यवस्थापन गर्दै धेरै कार्यबिधीहरु सिक्नमै गयो र जनताको लागि सम्भव भए सम्मको कार्य गर्ने कोसिस पनि रह्यो , अब हालको यो चुनावबाट चुनिने प्रतिनिधिलाई सहज रुपमा बिकासको कार्यलाई अघि बढाउन सकिने मार्ग बनेको अवस्था छ ।

मैले यो चुनावमा जीत हासिल गर्न नसकेता पनि , मेरो अन्तर हृदयमा नैकुण्डबासिको भविष्य सुनौलो बनाउने ठूलो चाहना र सपना भएकोले मेरो तर्फबाट पहल गर्न सकिने काममा सधैं अघि बढ्ने छु ।जनताको दुखमा अगाडि उभिने छु सुखमा खुशी हुने छु ।जितेर अधिकार प्राप्त भएको अवस्थामा मैले देखेका भेटेका अनगिन्ती सम्भावनाहरुलाई एक एक केलाउदै योजनाबद्ध रुपमा नमुना कार्यहरु गर्न पुर्ण प्रयत्नशील रहन्थे यद्यपि जीत सम्भव भएन तर पनि मैले पहल गरेर हुने सम्मको

कामको लागि मेरो तर्फबाट पुर्ण रुपमा पहल हुने छ

र पालिकालाई बिकसित बनाउने कार्यमा निरन्तर साथ र सहयोग गर्न कहिल्यै पछि हट्ने छुईन ।

धनी-गरिब बिचको खाडल , जातजाती बिचको खाडल ,

भुगोल भुगोल बिचको भेगिया खाडल , धर्म संस्कार बिचको खाडल ,बिचार र सिद्धान्त बिचको खाडललाई पुरेर सबै जाती ,सबै वर्ग ,सबै लिङ्ग ,सबै धर्म सबैलाई सबैले समान व्यबहार समान सम्मान दिन सक्ने स्वरुप बनाउनु छ । समजाको लागि यो कार्यमा हामी सम्पुर्ण नौकुण्डबासी

एक जुट भएर लाग्न अपरिहार्य छ । राजनीतिक पार्टी फरक होला , भाषा फरक होला , भेग फरक होला ,वर्ण फरक होला , संस्कार संस्कृति फरक होला तर यथार्थमा हामी सबै यौटा पालिका भित्रको यौटा जिल्ला भित्रको यौटा देश भित्रको परिवार हौ यो बिबिधता नै हाम्रो देशको सुन्दर गहना हो हामिले यसै भित्र गर्वका साथ रमाएर एक अर्काको सहायता ,एक अर्काको सारथि बन्न सक्नु पर्छ ।

यो स्थानीय निर्वाचनमा

हार ब्यहोरेका हामी सबै प्रतिस्पर्धीले यो बुझ्न जरुरी छ कि

हार्नु सबै कुरा समाप्त हुनु होइन बरु थप सशक्त बन्ने मौकाको ढोका खोल्नु हो र आफ्नो ठाउबाट बिबिध माध्यमले जनताको सेवामा सरिक हुन सक्छौ , सम्बन्धित निकायहरुलाई नियमन र अनुगमनको बाटोबाट खबरदारी गर्न सक्छौ , बिकास र परिवर्तनको लागि पहल गर्न र झकझकाउन सक्छौ , हामी संग भएको योजनाहरुलाई

समाबेस गराउने कोसिस गर्न सक्छौ आखिर हारेपनी जितेपनी उदेश्य त जनताको सेवा गर्ने नै हो ।

जीत हासिल गरेका प्रतिनिधिहरुले आफ्नो कार्यकाल भरिमा सबै जनतालाई भेदभावरहित ,निश्पक्ष सेवा सुबिधा उपलब्ध गराई साच्चै जनताको जिम्मेवारपुर्ण अभिभावकत्व निभाएर युवालाई रोजगार जेष्ठलाई सम्मान हुने गरिको योजनाहरु अघि सारेर समग्र जनताको प्रिय पात्रा बन्न सक्नु पर्छ , हामी मान्छेको जीवन कसैको पनि

भर छैन कति खेर कुन तरिकाले समाप्त हुन्छ, जीउँदो छउन्जेल नै म यो पार्टिको उ त्यो पार्टिको ,जातको- धर्मको, यो ठाउको त्यो ठाउको भन्ने हुन्छ मरेपछि सबैको ठाउँ यही माटोमा मिल्नु नै हो जहाँ माटोले केही छुट्याउदैन यो पार्टी त्यो पार्टी, धनी – गरिब , शिक्षित-अशिक्षित ,ठुला- साना केही नभनी सबैलाई समान रुपमा स्वीकार्छ त्यसैले चुनावी प्रतिस्पर्धामा होस् वा अन्य सामाजिक कार्य वा बिचार सिधाान्तको बिचमा मतभेद मनमुटाव जे जे भएपनी यो माटो जस्तै सबैको साझा भएर समाजको लागि सबैले रिसराग त्यागेर ,व्यक्तिगत लोभ लालच त्यागेर एकअर्काप्रतिको दुश्मनी त्यागेर एक ढिक्कका साथ लाग्न जरुरी छ ।

संसार जित्नेहरुले मात्रै होइन हार्नेहरुले अझ अहम् भुमिका खेलेर बदलिएको पाइन्छ । यो निर्वाचनमा हार भोगेका तमाम प्रतिस्पर्धीहरुले जितेर गएका प्रतिनिधि जुन सुकै पार्टिबाट होस् निस्वार्थ भावले सहयोग गरेर समाजको रुप बदल्ने कार्यमा सहाभागी बन्नु पर्छ । पाँच बर्ष पछि सोचौला भन्ने सोचबाट बाहिर आएर बरु पाँच बर्ष भित्रै गर्न सकिने सम्भावनाका कार्यहरुलाई बिना सर्त अघि बढाउने कोसिस गर्नु न्यायोचित हुन्छ कस्लाई के थाहा पाँच बर्षमा को कहाँ हुन्छौ या हुदैनौ त्यसैले आफ्नो सच्चा मनले चाहेको जनासेवाको चाहानालाई आजैका दिनमा दुखमा परेका , पीडामा परेका ,थरिथरिका अभाव झेलिरहेका जनताको अनेकन घाउहरुमा मलम लगाउने काममा जितेर गएका

प्रतिनिधिलाई साथ दिने गरि हातेमालो गर्न सकौ सबैले ।

हामि कर्मशिल मान्छे कर्म गर्न अघि सर्नु पर्छ फलको आशा राख्नु हुँदैन मैले गरेको काममा मेरो नाम मेरो पहिचान आउनु पर्छ भन्ने सोच नराखी हरेक दिन बिहान उदाएर

सिङ्गो ब्रह्माण्डलाई राप ताप सहित उज्यालो छर्दै

असंख्य प्राणधारी प्राणी र बनस्पति समेतलाई जिवित रहन उर्जा प्रवह गर्दै फेरि अस्ताउने घाम जस्तै ,पलपल अक्सिजन दिएर चलिरहने हावा जस्तै ,

प्रत्येक प्यासीको प्यास मेटाउने पानी जस्तै सबैको

लागि समभाव राखेर विशुद्ध रुपमा जनताको जनताको दुखमा बलियो सहारा बन्न सकौ सबैमा शुभकामना !!!

सिर्जना लामा

नौकुण्ड रसुवा !