निर्वाचन आयोगले स्थानीय तहको निर्वाचनमा खटाइने निर्वाचन अधिकृतको सूची संशोधन गरेको छ । आयोगले यस अघि गत १३ चैत्रमा खटाइएका निर्वाचन अधिकृतमध्ये केहीको सूची संशोधन गरेको छ भने केहीलाई निर्वाचन अधिकृतबाट हटाइएको र केही अधिकृतको नयाँ नियुक्ति गरेको जनाएको छ ।

Advertisement 1

आयोगले आगामी ३० वैशाखमा हुने स्थानीय तह निर्वाचनका लागि भन्दै यस अघि खटाइएका अधिकृतहरुको सूची संशोधन गरेको हो । आयोगका अनुसार ७१ निर्वाचन अधिकृतलाई जिम्मेवारीबाट हटाएर ती स्थानमा ७१ नयाँ निर्वाचन अधिकृतमा खटाएको जनाएको छ । आयोगले ती ७१ जना अधिकृतलाई हटाउनुको कारण भने खुलाएको छैन।

यस्तै १६ जना निर्वाचन अधिकृतलाई एक स्थानीय तहको निर्वाचन अधिकृतबाट अर्को स्थानीय तहको निर्वाचन अधिकृतमा खटाउने गरी संशोधन समेत गरेको छ । नियुक्तिका लागि तोकिएका निर्वाचन अधिकृतलाई चैत २९ गतेभित्र नै तोकिएको स्थानमा हाजिर हुन पनि आयोगले निर्देशन दिएको छ ।