गृह मन्त्रालयको कार्यसम्पादन मूल्यांकनमा जिल्ला प्रशासन कार्यालय गुल्मी जिल्ला सर्बाेत्कृष्ट ठहर भएको छ ।

Advertisement 1

गृहको रिर्पोट कार्ड अनुसार अति उत्कृष्टमा ४५ जिल्ला रहेका छन् ।जसमध्ये अर्घाखाँची,नवलपरासी (बर्दाघाट सुस्ता पूर्व),रुकुम पश्चिम,डडेलधुरा,हुम्ला,चितवन,तनहुँ,सल्यान,वैतडी,नवलपरासी पश्चिम),पर्वत,जाजरकोट,मुस्ताङ,भक्तपुर,दाङ,संखुवासभा,तेह्रथुम,बारा,स्याङ्जा,दार्चुला,ओखलढुंङ्गा,कास्की,दैलेख लगायतका जिल्ला छन् ।

पर्सा,बाँके,मनाङ,लमजुङ,ललितपुर,उदयपुर,मकवानपुर,मोरङ,ललितपुर,उदयपुर,रसुवा,सोलुखुम्बु,अछाम,बर्दिया,भोजपुर,इलाम,प्यूठान,रामेछाप,झापा,पाल्पा,सुनसरी,सुर्खेत,कपिलबस्तु र मुगु जिल्ला रहेका छन् ।

Advertisement 2

बिहीबार मूल्यांकन समितिका संयोजक प्रमुख भीष्मकुमार भुसाल र प्रशासन महाशाखाका प्रमुख टेकबहादुर केसीले बुझाएको अध्ययन प्रतिवेदनअनुसार कार्यसम्पादनमा मुल्याङकनमा २९ जिल्लालाई उत्कृष्ट ठहर गरेको छ ।

जसमा डोटी,धादिङ,नुवाकोट,बझाङ,बाग्लुङ,रोल्पा,गोरखा,रौतहट,कञ्चनपुर,सिन्धुली,काभ्रेपलाञ्चोक,रुपन्द्येही,महोत्तरी,जुम्ला,रुकुम पूर्व,काठमाडौं,सर्लाही,सिन्धुपाल्चोक,सिरहा,खोटाङ,म्याग्दी,पाँचथर,ताप्लेजुङ,बाजुरा,दोलखा,कालिकोट,धनकुटा,धनुषा र कैलाली रहेका छन ।

गृह मन्त्रालयले प्रमुख जिल्ला अधिकारीहरुसँग गरेको कार्यसम्पादन सम्झौताको आधारमा कार्यान्वयनको अवस्थाको मूल्यांकन गरेर बर्षै पिच्छे गृह मन्त्रालयले नतिजा सार्वजनिक गर्दै आएको छ ।

सो समितिले शान्ति सुरक्षा, अपराध नियन्त्रण, सुशासन र सेवा प्रवाह, लागूऔषध नियन्त्रण, विपद् जोखिम न्यूनीकरण तथा व्यवस्थापन, मुआब्जा वितरण र विकास निर्माणमा समन्वय तथा आर्थिक प्रशासनसमेत गरी ६८ वटा परिसूचकहरूलाई मुल्यांकनलाई आधार मानी प्रत्येक बर्ष प्रतिवेदन तयार गर्दैैै आएको छ ।
उक्त प्रतिवेदनमा उत्तममा सप्तरी र डोल्पा गरी दुई वटा जिल्ला परेका छन् ।
गृहको रिर्पोट कार्ड अनुसार,९० भन्दा माथि अंकभार ल्याउने जिल्लालाई सर्बाेत्कृष्टमा राखेको छ । जसअनुुसार ९७ दशमलव ७५ अंकभारसहित गुल्मी जिल्ला सर्वाेत्कृष्ट, ९७ प्रतिशत अंकसहित अर्घाखाँची प्रशासन दोस्रो, नवलपरासीपूर्व प्रशासन ९६ दशमलव ७५ प्रतिशतसहित तेस्रो स्थानमा रहन सफल भएका छन भने रूकुम पश्चिम प्रशासन ९६ दशमलव ५ सहित चौंथो नम्बरमा परेको छ ।

यसैगरी, हुम्ला जिल्ला प्रशासन पाँचौं नम्बरमा पर्न सफल भएको छ भने हुम्लासँगै समान ९५ प्रतिशत अंक नै पाएको डडेलधुरा पनि पाचौं स्थानमा रहन सफल भएको गृह मन्त्रालयले जनाएको छ।
यस्तै ९० प्रतिशतभन्दा माथि अंक ल्याउन सफल जिल्लालाई अति उत्कृष्ट,८० र ९० को बीचको अंकभार ल्याउने पालिकालाई उत्कृष्ट र ६० र ८० प्रतिशतको बीचको अंकभार ल्याउने पालिकालाई उत्तम भनेको छ ।