स्थानीय तहको निर्वाचनको मिति नजिकिदैं छ । अबको दुई महिनाभित्रैमा स्थानीय तहको निर्वाचन हुँदैछ । त्यसका लागि राजनीतिक दलहरूका साथैं नयाँ नयाँ उम्मेद्धार र पूराना अनुहार समेत आफू दोहोरिने प्रयासमा छन् ।
६ महानगरपालिका, ११ उपमहानगरपालिका, २७६ नगरपालिका र ४६० गाउँपालिका गरी कुल ७५३ स्थानीय तहको चुनावका लागि दलका साथैं उम्मेद्धारहरु मैदानमा उत्रिने क्रम शुरु भइसकेको छ ।
पार्टीले कस्लाई उम्मेद्धार बनाउँदा जीत हासिल गर्दछ यस्तै पात्र खोज्ने क्रम जारी छ । राजनीतिक र सामाजिक रुपमा भिजेको पात्र खोज्नेक्रम अहिले हरेक पार्टीभित्र शुरु भइरहेको छ ।
यस्तैमध्ये ललितपुर जिल्ला महालक्ष्मी नगरपालिकाको उपमेयरको उम्मेद्धारको रुपमा समाजसेवी ललिता खनियाँले आफूलाई अगाडि सारेकी छन् । स्थानीय बिकास निर्माण कार्यमा नेतृत्वदायी भुमिका सहित अग्रसर खानियाँ महिलाहरुलाई सीप सिकाई आम्दानीको बाटोमा अगाडि बढाउँदै सक्षम बनाउने उदेश्यका साथ ०६० सालदेखि  नै लालीगुराँस महिला सशक्तीकरण समाज मार्फत सामाजिक कार्यमा समेत हेलिएकी महिला हुन । सो संस्थाको अध्यक्षको भुमिका निर्वाह गर्दै विभिन्न सीपमूलक तालिम मार्फत रोजगारीको लागि प्रेरित गर्दै महिलाहरुलाई आत्मनिर्भर बन्न प्रेरित गर्दै आएकी खानियाँले स्थानीय ठाउँमा सामुदायिक भवनको आवश्यक्क्ताको महशुस गर्दै ०७५ सालमा सामुदायिक भवन निर्माण समितिको गठन गरि २०७८ सालमा भवन निर्माण सम्पन्न गरेर हाल संचालनमा आएको छ। सम्भवत महिलाको नेतृत्वमा सप्पन्न भएको यो भवन नगरपालिका को एकमात्र उदाहरण हुनसक्छ।

Advertisement 1

स्थानीय ठाउँमा भएको खानेपानीको अभाव लाई मध्यनजर गर्दै राधाकृष्ण खानेपानी तथा सरसफाइ उपभोक्ता समितिको स्थापना कालदेखि नै कोषाध्यक्षको रूपमा काम गरिरहेकी उनी हाल सो संस्थाको निर्वाचित उपाध्यक्षका रुपमा सक्रिय छिन । एक घर एक धारा को नारासहित सुरु गरिएको यो समितिले अहिले करिब १२०० घरधूरीलाई सहज रूपमा खानेपानी उपलब्ध गराइरहेको स्थानीयहरु सुनाउँछन ।

Advertisement 2

स्थानीय टोल बिकासको लागि गठन गरिएको मोतेश्वर टोल सुधार समितिको संचालक सदस्यको रूपमा समेत काम गर्दै आएकी खनियाँ हाल सो टोल सुधार समितिको सचिबको रूपमा क्रियाशिल छिन यस्का अलवा उनी मोतेश्वर सहकारी संस्थामा संचालक समिति सदस्य भै सहकारीको क्षेत्रमा पनि योगदान दिदैं आइरहेकी छिन ।
कलिलै उमेरदेखि सामाजिक काममा सक्रिय खनियाँ नेपाली कांग्रेस पार्टीसँग आबद्ध छिन् । उनी पार्टीको भातृ संगठन नेपाल महिला संघको तत्कालीन गाबिस इकाइ सभापति हुँदै क्रमशः क्षेत्रिय सचिबको जिम्मेवारी सफलता पुर्वक निर्वाह गरिसकेकी छिन् । पार्टीको १३ औं महाधिवेशन बाट जिल्ला सदस्यमा निर्वाचित खनियाँ गत मंसिरमा सम्पन्न १४औं महाधिवेशन बाट केन्द्रिय महाधिवेशन प्रतिनिधिमा निर्बाचित भइसकेकी छिन् ।

पार्टीको संगठन निर्माण देखि सामाजिक काममा सक्रिय भुमिका निर्वाह गरिरहनुभएकी ललिता खनियाँलाई यस पटकको स्थानीय तहको निर्वाचनमा नेपाली कांग्रेसको तर्फबाट महालक्ष्मी नगरपालिकाको उप मेयरमा जीत हासिल गर्नसक्ने उम्मेदवारको रूपमा हेरिएको छ।

आफूले पार्टीको संगठन बिस्तार र परिचालनमा खेलेको भुमिका संगसंगै सामाजिक कार्यमा देखाएको सक्रियताले गर्दा पार्टीले उपमेयरको टिकट दिने र जनताले आफ्नो मत दिएर बिजयी गराउने कुरामा आफू बिश्वस्त रहेको खानिँया सुनाउछिन् ।