अञ्जनकुमार

Advertisement 1

स्याङ्जा जिल्ला फेदिखोला गाउँपालिका -२ घर भई झण्डै पाँच वर्षदेखि जिल्ला प्रशासन कार्यालयमा लेखापाल रहेका रमेश विकले आधादर्जन जति डिएसपीहरुको संगत गरे । संगत गरेका मध्ये गंगाबहादुर थापा (हाल जिल्ला प्रहरी कार्यालय इलाम) जत्तिको कर्तव्यप्रति जिम्मेवार, कार्यसम्पादनमा द्रुत डिएसपी देखेका थिएनन् । लमजुङमा सफल डिएसपीको नाम लिनुपर्दा थापाको नाम छुट्दैन । थापाको सरुवासंगै ल्याप्सेसको महसुस गर्दै थिए तत्कालिन प्रजिअ होमप्रसाद लुँइटेलसंगै विकले पनि ।

त्यस्तै महसुस थियो श्री श्रीजंग गणका गणपति जयराम थापाको पनि । जिम्मेबारीमा रहेका जो कोहीको पनि मूल्यांकन उसले गर्ने कर्मको आधारमै हुनेगर्छ । थापाको रिप्लेसमा आएका कृष्णबहादुर कार्की नेपालकै नमूना डिएसपी होलान् सायद । काम गर्ने इच्छा र जाँगर भयो भने के गर्न सकिँदो रैनछ त भन्ने दर्विलो दृष्टान्त हुन उनी । पाए जतिभएनि आफैलाई नपुग्ने लोभको जमानामा दान धर्मको मर्म किन कसले बुझ्ने ? तर संगतले मान्छेलाई परिवर्तन गराउन उत्प्रेरित अवस्य गराउँदो रहेछ, जिप्रका लमजुङ्ग कै हवल्दार शिव थापा भन्छन् । दानीलाई हानी नहुने भन्दै असाहयलाई सेवा गर्न पछि हट्दैनन् उनी । जिप्रका भित्रका धेरै प्रहरी जवान हुन वा अफिसर कमाएको कम्तीमा पनि दस प्रतिशत सेवा कर्ममा खर्च गर्न हिच्किचाउँदैनन् । जिप्रका लमजुङ्गका कर्मचारी मात्रै हैनन् जिल्ला भरका नागरिक भूतो न भविष्यको डिएसपी देखेर चित खाएका छन् । पाल्पाबाट व्यापार गर्न लमजुङ बेसीशहर छिरेका कृष्ण खनाल डिएसपी कार्कीसंग निकै प्रभावित छन् र गच्छे अनुसारको दान गर्न पछि पर्दैनन् ।

Advertisement 2

बाटो लाग्दा बुढाबुढी हुन वा अशक्त असहाय भेटे जतिलाई खल्ती रित्याएर बाड्छन् कार्की । उनको जीवन चर्या यति सरल छ कि युनिफर्ममा बाहेक देख्ने हरुले डिएसपी भनेर पत्याउँदैनन् पनि । सय, डेड सयको चप्पल साधारण पहिरन तर विचार उच्च । आज सम्म कसको ध्यान गएको थियो र जवान मेसमा के पाक्छ कस्तो भाँडामा पाक्छ कति स्वास्थ्यकर छ भनेर । तर कार्कीले जवान मेसको टोटल्ली चेन्ज गरे दुईलाख भन्दा बढी खर्चेर खाना तातो बनाइराख्ने भाँडो खरिद गरे । जुन रकम फरार अभियुक्त समाए वापत राज्यले नै डिएसपीलाई प्रोत्साहन स्वरुप प्रदान गरेको रकम । डिएसपीले ऐन बमोजिम प्राप्त गरेको पैसा पनि सार्वजनिक हितमा खर्च गरे । यस्तो खर्च त उनले कति गरे गरे । अपराध गरेर गएको एउटा अपराधी पनि जिल्ला प्रहरी कार्यालयमा एउटा पाहुना जस्तो बन्छ ।

डिएसपी कार्कीले उसलाई सम्झाउँछन् अर्ती दिन्छन्, हिरासतमा भएका बन्दीहरुलाई समय समयमा घाम तपाउँछन् अनि आफ्नै खर्चले चिया नास्ता गराउछन । केही दिन अघि मात्रै छुट्टाछुट्टै मुद्धामा फरार रहेका तीनजना अभियुक्तहरु काठमाडौं पोखराबाट पक्राउ परे । ती मध्ये एकजना थिए, सुन्दरबजार नगरपालिका-७ का वर्ष २६ का पवन घर्ती थिए । सवारी ज्यान मुद्दामा सर्वोच्च अदालतले ०७७ पुस ५ गते १ वर्ष २ महिना ७ दिन कैद सजाय हुने फैसला गरेको थियो ।

अर्का थिए राईनास नगरपालिका-६ का ३६ वर्षीय मनबहादुर बराल र बेसीशहर नगरपालिका-४ का वर्ष ३२ वर्षीय सुरज गुरुङ । बराल बैंकिङ कसुर र गुरुङलाई लागु औषध मुद्दामा ५ महिना ४ दिन कैद र १२ हजार जरिवाना ठहर हुने गरी ०६९ जेठ ८ गते जिल्ला अदालत कास्कीले फैसला गरेको थियो । पक्राउमा परेका तीनै जना गत बिहीबार कारागार जानु अगाडि डिएसपी कार्कीको प्रवचनले फिदा भए । यस्तो अभिभावक पाएको भए आफू न त लागू औषधको दुव्वर्यसनी बन्थे न त कारोबारी नै । दुर्व्यवहार, यातना र जालसाँची पुलिसको कर्म ठान्ने गुरुङ, डिएसपी कार्कीको क्षणिक संसर्गबाट उत्प्रेरित बने । कान समाते कैद भुक्तानपछि कहिल्यै गलत कार्य नगर्ने भन्दै ।

आफ्नै बच्चा मारेको अभियोगमा जेल परेर गत ७ गते कारागार मुक्त भएकी राईनास‌की सम्झना विक डिएसपी कार्कीले कारागार मै गएर चित्त शान्ति गर्ने उपाय सहित मेरिटेसन् नगराएको भए कारागार भित्रै आत्महत्या गर्ने योजनामा थिइन् तर डिएसपी साबले मन शान्त पारिदिएपछि त्यो कुभावना टाढा भागेको बताउँछिन् । कार्कीले मान्छेको मनको मैलो मात्र सफा गर्ने काम गरेका छैनन्, कुचुक्क निकै अव्यवस्थित लाग्ने जिप्रकाको मुहारै बदलिदिएका छन् । शुद्ध पिउने पानी, नुहाउने धारा सहितको ३५ हजार लिटरको पानी ट्यांकी जुन संघीय खानेपानी तथा ढल व्यवस्थापन आयोजनाका प्रमुख देवेन्द्र झा को सहयोगमा सम्पन्न भयो । जो मानिस टाकुरा चढ्ने सपना त देख्छ तर घर अगाडिको तगारो नाघ्ने हिम्मत गर्न सक्दैन् भने सपना देख्नुको के अर्थ हुन्छ र !

कार्कीले सबै कठिन तगारो नाघ्ने आँट गरे, पर्खाल फोर्न हम्मर उचाले र त जता हात हाले त्यही सफलता प्राप्त गरेका छन् । विडम्बना जिप्रकाले भोग चलन गरेको आफ्नै जग्गाको लालपुर्जा रैनछ । ११ रोपनी क्षेत्रफल हुनुपर्नेमा ६ रोपनी जग्गाको मात्रै लालपुर्जा । कार्कीले जिप्रकाको बाँकी जग्गाको लालपुर्जा लिन सफल भए । भने लमजुङ तनहुँको सिमानामा पर्ने पाउँदी चौकीलाई ३ रोपनी, दुराडाँडा चौकीलाई १ रोपनी सहित पक्की घर २४ लाखमा किने । जहाँ सुन्दरबजार नगरपालिकाले २० लाख र बेसीशहरले ४ लाख हालिदियो । कार्की कै सक्रियतामा तमाम काम भएको जिप्रकाका लेखा प्रमुख बाबुराम ढकाल बताउँछन् ।