मामुली जनताका लागि पुग्दो जागिर नभएको देशमा कसै कसैको चाहिँ कस्तो हालिमुहाली भने, छानीछानी कमाउने ठाउँ, जागिर छाडेर जाने बेला पेन्सन बढाउन बढुवा खाने दाऊ !
राज्यलाई दोहन गर्ने यो परम्परा पुरानै हो, जसको निरन्तरता अझै छ । भर्खरै लोकसेवा आयोगको सहसचिवबाट शंकर खरेल सचिवमा बढुवा भए । लगत्तै घर गए । यसअघि महाश्रम शर्मा अघिल्लो दिन नियुक्त भएर भोलिपल्ट चिठी बुझी घर गए । अर्थात्, विशिष्ट श्रेणीको दर्जामा जम्मा एक दिन हाजिर गरेको भरमा जीवनभर त्यही स्केलको पेन्सन थाप्ने भए । उनी अहिले विशिष्ट श्रेणीबाट अवकाश पाएको हैसियतका साथ शिक्षा मन्त्रालयअन्तर्गतको परीक्षा सञ्चालनसम्बन्धी आयोगका अध्यक्ष छन् । अर्का हुन्, सूर्य आचार्य । धेरैअगाडि सचिव बढुवाका लागि तीन नम्बरमा सिफारिस भएका थिए । अहिले बढुवा भए । एक दिन हाजिर भएर भोलिपल्ट अवकाश लिए ।

Advertisement 1

शंकर खरेल कालो कांग्रेस मानिन्छन् । वरिष्ठ नेता रामचन्द्र पौडेलको खास मान्छे हुन् । कर्मचारी संघको नेतृत्वमा रहेर लामो समय काम गरेका थिए । यदि बढुवा नभएको भए सहसचिवमा पदावधि लागेर माघ ४ मै अवकाश हुँदै थियो । त्यसैले उनलाई सचिवमा बढुवा गर्न दरबन्दी थपियो ।

त्यसो गर्दा शंकरको नाम तीन नम्बरभित्र आउने भयो । र, यसरी नै सिफारिश भएर पुस ३० गते सचिव भए, माघको ४ गते अवकाश पाए । विशिष्ट श्रेणी भएपछि राजनीतिक नियुक्ति र जीवनभर सचिवको पेन्सन खाने सुविधाको लोभले हो यस्तो गरिने । त्यसमाथि अहिलेका प्रधानमन्त्री शेरबहादुर देउवाको बानी नै हो कि, आफ्नो मान्छे आउनु छ भने दरबन्दी सिर्जना गरिहाल्ने ।

Advertisement 2

यसरी मनलाग्दी सचिव दरबन्दी थपेको सरकारलाई अहिले तातो लागेको छ सचिव दरबन्दी पुनरावलोकन समिति बनाइएको छ । जस्को संयोजक तोकिएका छन् प्रधानमन्त्री तथा मन्त्रिपरिषद्का कार्यालयका सचिव लक्ष्मण अर्यालको । अर्यालको संयोजकत्वमा सात सदस्यीय कार्यदल गठन भएसँगै अहिले प्रशासनविद्हरु नै भन्न थालेका छन्,पहिला आफन्तलाई सचिव बनाउन दरवन्दी थप गर्ने, अहिले बढी भएकी भन्दै पुनरावलोकन समिति बनाइएकोप्रति व्यग्य गर्न थालेका छन् ।