समयमा नै स्थानीय तहको निर्वाचन गराउन सरकारसँग मेरो माग रहेको छ। स्थानीय तहको निर्वाचनमा नेकपा एमाले एक्लैले ७५ प्रतिशत सिट जित्ने छ। एमालेको लोकप्रियताबाट गठबन्धन सरकार अत्तालिएर निर्वाचन नगराउने षड्यन्त्र रहेको छ । ‘म भन्न चाहन्छु नेकपा एमाले सर्वोच्च अदालतबाट जबरजस्ती गलत्याइएको दल हो । त्यो दल नेकपा एमाले चुनावको पक्षमा छ । चुनाव गराउन चाहन्छ ।

Advertisement 1

सरकारलाई कम्तिमा निर्वाचन आयोगले दिएको तिथि वैशाख १४ र २२/२३ गतेभित्र चुनाव गराउनको लागि म आह्वान गर्न चाहन्छु । स्थानीय लोकतन्त्र, जुन संविधान बनाइसकेपछि पहिलो पटक स्थानीय तहको निर्वाचन ग¥यौं त्यसमा हाम्रो कुठराघात हुनेछ र संघीयतालाई कार्यान्वयन गर्नको लागि पनि चुनौति रहनेछ । त्यसकारण स्थानीय सत्तालाई कमजोर बनाउने, र हिजोको विगत स्थानीय सत्ता बिहीन बनाउने जुन प्रकृति थियो । त्यो अभ्यास गरेका थियौँ । त्यो लोकतन्त्र र जनताको जीविकालाई प्रश्न चिन्ह खडा गरेको छ, त्यो परिपाटीको अन्त्यको लागि पनि चुनाव अपरिहार्य छ । चुनाव तत्काल गर्न म आग्रह गर्न चाहन्छु । चुनाव हार्ने, जित्ने भनेर आँकलन गर्ने होइन । चुनाव लोकतन्त्रको सबैभन्दा सुन्दर पक्ष हो ।

त्यसलाई कार्यान्वयन गर्नको लागि र लोकतन्त्रलाई राखिराख्नको लागि र नेपालको लोकतन्त्र कसैले हल्लाउन सक्दैन, स्थानीय जनतन्त्रलाई कसैले हल्लाउन सक्दैन, स्थानीइ सुशासनलाई कसैले कमजोर बनाउन सक्दैन भन्ने मान्यता स्थापित गर्नको लागि आउँदो दिनहरुमा निर्वाचन हुँदैन कि भन्ने प्रश्न कहिल्यै पनि नउठ्ने गरी यो सरकारले जवाफ दिएर समयमा निर्वाचन गर्नुपर्छ । यो निर्वाचन नगर्ने कुरा के हो भने कहिले काहीँ नेपाली काँग्रेसका नेता र गठबन्धनका नेताहरु भन्ने गर्नुहुन्छ, नेकपा एमाले बलियो छ । अहिले चुनाव गरेमा हामी हार्छौं । हामी अहिले पनि जनताको लोकप्रिय पार्टी हो । हामी स्थानीय तहको निर्वाचनमा विजय प्राप्त गर्नेछौँ । म घोषणा गर्न चाहन्छु, कम्तिमा ७५ प्रतिशत सिट नेकपा एमालेले स्थानीय तहमा जित्नेछ । यसबाट अत्तालिएर अहिलेको गठबन्धन सरकार निर्वाचन नगराउने षड्यन्त्र गरिएको छ, यो षड्यन्त्रलाई चिर्नको लागि हामी भोलिसम्म पर्खन्छौँ ।

Advertisement 2

निर्वाचनको तिथि भोलिसम्म घोषणा भएन भने सडकबाट जनता उरालेर परिचालन गरेर निर्वाचनको माग गर्न हामी सडकमा जान्छौँ । त्यसकारण स्थानीय तहको निर्वाचन नगराउने कुरा दिमागमा नसोचियोस् । पराजित मानसिकताले हाम्रो संविधान र कानून, निर्वाचन प्रणाली कमजोर बनाउने प्रयत्न नगरियोस् ।

लेखक राष्ट्रिय युवा संघ नेपालका सदस्य रोशन लामा हुन् ।