Advertisement 1

दुई दिन अघि अर्थात गत शुक्रवार मात्र गृह मन्त्रालयले भिजिट भिसामा खाडी मुलुक र मलेसिया जान रोक लगाउने निर्णय गरेको थियो । आजदेखि लागू हुने गरी गरिएको सो निर्णयलाई आतबार गृह मन्त्रालयले संशोधन गरेको छ ।
यस अघि गृहले ओमिक्रन भेरियन्ट संक्रमण स्वदेश तथा विदेशमा तीव्र रुपमा फैलिरहेकाले खाडी मुलुक तथा मलेसिया जानेहरू बिचल्लीमा परेको भन्दै मन्त्रालयले आजैदेखि लागू हुने गरेर भिजिट भिसामा भ्रमण जान रोक लगाउने निर्णय गरेको थियो ।

Advertisement 2

गृहले अब सरकारी निकायका प्रतिनिधि, अन्तर्राष्ट्रिय कारोबार गर्ने बैंकका तथा वित्तीय संस्थाका प्रतिनिधि, अन्तर्राष्ट्रिय गैरसरकारी संस्थाका प्रतिनिधि भई भ्रमण जानेहरू, नेपालमा सामान आयात–निर्यात गर्ने व्यावसायिक संस्थाका प्रतिनिधिहरूलाई सम्बन्धित कार्यका लागि प्रस्थान अनुमति दिने भएको छ ।
यस्तै कम्तीमा २ अन्य मुलुकमा पर्यटकको रुपमा भ्रमण गरिसकेका यात्रुहरू, वैदेशिक रोजगार व्यवसायको बजार प्रवद्र्धनका लागि जाने म्यानपावर व्यवसायीहरू, बिरामी कुरुवा (३ पुस्ताभित्र), वार्षिक न्यूनतम ६ लाख रूपैयाँ करयोग्य आय भई कम्तीमा आधा रकम बैंक खातामा बचत भएका र नेपालको कर प्रणालीमा आबद्ध भएका व्यक्तिहरूलाई पनि प्रस्थान अनुमति दिइने जनाएको छ ।