निजामती कर्मचारी भर्ना,पदपूर्ति र कर्मचारी समायोजनसम्बन्धी मुद्धाको सुनुवाई नसकिएपछि हिजो पनि हेर्दा हेर्दैमा राखिएको छ । लोकसेवा आयोगलाई विपक्षी बनाएर दायर गरिएका २४ थान रिटलाई एकै ठाउँमा राखेर सुनुवाई प्रारम्भ भए पनि सुनुवाई नसकिएका कारण दोश्रो पटक हेर्दा हेर्दैमा राखेर पेशी सारिएको हो । यस अघि पहिलो पटक पुस २९ गते सुनुवाई नसकिए पछि हेर्दा हेर्दैमा राखिएको सो मुद्धा बुधबारका लागि पेशीमा चढेको थियो ।

Advertisement 1

सर्वोच्चका मंगलबार बसेको फुलकोर्टको बैठकले आगामी १८ माघसम्मलाई सेवा कटौती गर्ने निर्णय गरेको थियो । पूर्ण इजलाशले आगामी १८ माघसम्म बन्दीप्रत्यक्षीकरण,मुद्धा फिर्ता तामेली एवम मिलापत्रसम्बन्धी कामबारवाही यस अघि हेर्दा हेर्दै वा निसुमा रहेका मुद्धाहरुको मात्र सुनुवाई हुने जनाइएको छ ।
सोही निर्णय अनुसार अघिल्लो साता हेर्दा हेर्र्दैमा परेको कर्मचारी समायोजन र लोकसेवा आयोगसँग सम्बन्धी दुई दर्जन मुद्धा सुनुवाईका लागि हिजो पेशीमा चढे पनि सुनुवाई नसिकँदा दोश्रो पटक हेर्दा हेर्दैमा राखेर पुन पेशी सारिएको हो ।

विगत चार महिनादेखि पेशी सारिदैं आएको सो मुद्धा  सर्वोच्च अदालतको पूर्ण इजलाशमा राखेर न्यायधीशत्रय आनन्दमोहन भट्टराई, सपना प्रधान मल्ल,नहकुल सुवेदीले हेरिरहेका छन् ।

Advertisement 2

शिवहरी दाहाल,अनमोल भट्टराई ,इन्द्र कमल शिवाकोटी,रजिया चौधरी,दिनेश कुमार मण्डल,नविन गौतम लगायतले दायर गरेको सो मुद्धाको पटक पटक पेशी सारिँदा कर्मचारीको वृत्ति विकासमा गम्भीर समस्या परिरहेको थियो ।