प्रधानमन्त्री तथा मन्त्रिपरिषद्को कार्यालयमा मुख्यसचिवसमेत १० जना सचिवको भीड बनाएर राखिँदा तीन वटा प्रदेश भने प्रमुख सचिव बिहिन बनाइएको छ । अहिले प्रधानमन्त्री कार्यालयमा मुख्यसचिव शंकरदास बैरागीसहित दश जना सचिव राखिएका छन् । जबकी प्रशासनविद्हरुले त्यहाँ तीन सचिव नैं काफी हुने बताइरहेका छन् ।

Advertisement 1

प्रधानमन्त्री तथा मन्त्रिपरिषद् कार्यालयमा जगेडामा राखिएका सचिवहरुले बस्नका लागि कुर्सी र चिया राख्नका लागि टेबल समेत नपाएको गुनासो गरिरहँदा बाग्मती प्रदेश,प्रदेश नम्बर २ र सूदुरपश्चिम प्रदेश भने प्रमुख सचिव बिहिन बन्न पुगेको छ । यस्ले मुलुकको प्रशासनिक भद्रगोलको स्थितीलाई प्रष्ट पार्दछ ।

प्रधानमन्त्री तथा मन्त्रिपरिषद्को कार्यालयमा यस अघि कानुनका एक सहित ५ सचिवको दबन्दी रहेकोमा प्रशासन सेवा र प्राविधिक समूहका एक एक जना सचिवको दरबन्दी थप गरेसँगै प्रधानमन्त्री तथा मन्त्रिपरिषद्को कार्यालयमा ७ सचिव पुगेका हुन ।

Advertisement 2

त्यहाँ स्वास्थ्य मन्त्रालयका लागि भन्दै तानिएको यामकुमारी खतिवडा र प्रदेशबाट तानिएका मधुसुदन बुर्लाकोटीसमेत थपिए पछि अहिले ९ सचिव थुप्रिएका छन् भने मुख्यसचिव शंकरदास बैरागीलाई समेत जोड्दा सचिवको संख्या त्यहाँ दश जना पुगेको हो । यस अघि प्रधानमन्त्री तथा मन्त्रिपरिषद्को कार्यालयमा शिशिर कुमार ढुङ्गाना,लक्ष्मण अर्याल,रामप्रसाद थपलिया,सूर्यप्रसाद गौतम,धनराज ज्ञवाली र अतिरिक्त समूहतर्फ रमेशप्रसाद सिंहलाई राखिएको छ ।
अस्ति बुधबारको क्याविनेटले प्राविधिकतर्फका एक सचिवको दरबन्दी थपेसँगै सिंहको व्यवस्थापन भएको छ । सोही बैठकले महिला बालबालिका मन्त्रालयमा कार्यरत यामकुमारी खतिवडालाई प्रधानमन्त्री तथा मन्त्रिपरिषद्को कार्यालयमा लगिएको छ । यस्तै सुदूरपश्चिम प्रदेशका प्रमुख सचिव मधुसुदन बुर्लाकोटीलाई प्रधानमन्त्री कार्यालयको अतिरिक्त समूहमा तानिएको छ । खगेन्द्र नेपाललाई पनि प्रधानमन्त्री तथा मन्त्रिपरिषदको कार्यालयमा तानेसँगै अब प्रधानमन्त्री तथा मन्त्रिपरिषद्को कार्यालयमा ९ जना सचिव थुपारेर राखिएका छन् । बिरामी अवस्थामा रहेका खगेन्द्र नेपालका लागि प्रशासनतर्फको अर्को विशिष्ट पद सिर्जना गरिएको हो । यद्यपि, नेपाल सेवा निवृत्त भएसँगै सो पद खारेज हुने बताइएको छ ।

प्रधानमन्त्री तथा मन्त्रिपरिषद् कार्यालयकै विवरण अनुसार आर्थिक तथा पूर्वाधार विकासको जिम्मेवारीमा छन् सचिव शिशिरकुमार ढुंगना,यस्तै,प्नशासन र नतिजा व्यवस्थापनको जिम्मेवारी दिइएको छ सचिव लक्ष्मण अर्याललाई,प्रादेशिक समन्वय र सामाजिक विकासको जिम्मेवारी भनिएको छ रामप्रसाद थपलियालाई,यस्तै अर्का सचिव सूर्य प्रसाद गौतमलाई राष्ट्रिय सुरक्षा र सुशासनको जिम्मेवारी दिइएको प्रधानमन्त्री कार्यालयकै वेभसाइडमा उल्लेख गरिएको छ । यस्तै कानुनका सचिव धनराज ज्ञवालीलाई कानून तथा मानवअधिकारको जिम्मेवारी दिइएको छ । अन्य सचिवहरु रमेशप्रसाद सिंह,यामकुमारी खतिवडा,खगेन्द्रप्रसाद नेपाल,मधुसुदन बुर्लाकोटीजिम्मेवारविहिन बनाइएको छ । भए भरका सचिवलाई सिंहदरबारमा तानेर जिम्मेवारबिहिन बनाएर राखिँदा प्रदेशस्थित मुख्यमन्त्री तथा मन्त्रिपरिषद्को कार्यालय प्रमुख सचिव बिहिन बन्न पुगेको छ ।

यसरी सचिवको भीड लागेपछि न त तिनलाई बस्ने कुर्सी छ न त चिया राख्ने टेबुल नै । प्रधानमन्त्री कार्यालयकै एक सचिवले दुखेसो पोख्दै भनेका छन्,विशिष्ठ श्रेणीका पदाधिकारी भनिए पनि हालत खरिददार मुखियाभन्दा तलको भयो, सचिव पदको इज्जत समेत नरहने भयो ।

गत बु्धबारको क्याविनेटले लहड र सनको भरमा २ जना सचिवको दरबन्दी थपिदिँदा सचिवको संख्या ७३ जना पुगेको छ ।