यस अघि नै सेवाकालीन तालिमका लागि छनौंट भइसकेका तर स्थगित स्थानीय तहका छैटौं र सातौ तहका अधिकृतहरुलाई दुइ चरणमा बाढेर तालिम दिइने भएको छ । संघीय मामिला तथा सामान्य प्रशासन मन्त्रालयका अनुसार गत भदौं ८ मा छनौंट भइस्केका तर प्राविधिक कारणवश सेवाकालीन तालिम लिन नपाएका स्थानीय तहमा कार्यरत छैटौं र सातौं तहमा कार्यरत कर्मचारीहरुलाई दुई चरणमा वाँढेर तालिम दिन लागिएको हो । आगामी पुस २५ गतेबाट र अर्काे समूहका लागि माघ ८ गतेदेखि हुने भएको छ । प्रभावकारी सेवा प्रवाहका लागि कार्यालय सञ्चालन तथा व्यवस्थापन विषयमा अनलाइनबाटै हुन लागेको एक दिने अभिमूखिकरण र ३५ दिने सो सेवाकालीन तालिमका लागि स्थानीय तहमा कार्यरत छैटौं र सातौं तहका १५० अधिकृतले तालिम लिनेछन् ।