लोक सेवा आयोगले उपसचिवको अन्तिम नतिजा सार्वजनिक गरेको छ । आयोगले प्रशासन सेवा,लेखा समूह,राजश्व समूह र नेपाल लेखापरीक्षण समूहका
लिखित परीक्षाबाट अन्तर्वार्तामा छनौट भएका उम्मेद्धारहरुको अन्तर्वार्ता, इन बास्केट एक्सरसाइज र लिखित परीक्षासमेतको प्राप्ताङ्कका आधारमा बढुवा नियुक्तिका लागि सम्बन्धित मन्त्रालयमा सिफारिस गरेको आयोगले जनाएको छ ।
प्रशासन सेवा लेखा समूहतर्फबाट ५ जना,प्रशासन सेवा राजश्व समूहबाट ४ जना र लेखापरीक्षण समूहबाट १ जना गरी कुल १० जना उपसचिव नियुक्तिका लागि आयोगले सम्बन्धित मन्त्रालयलाई सिफारिस गरेको छ ।

Advertisement 1

यस्तै नेपाल न्याय सेवा,न्याय समूहबाट ११ जना माग गरिएकोमा लिखित परीक्षामा सम्मिलित १५ जनामध्ये अन्तर्वार्तामा ७ जनामात्र उपस्थित रहेको आयोगले जनाएको छ । आयोगले ती सातै जनाको नियुक्तिका लागि कानुन न्याय तथा संसदीय मामिला मन्त्रालयलाई सिफारिस गरेको छ ।
यस्तै नेपाल न्याय सेवा कानुन समूहबाट १ जनाको नाम सिफारिस भएको छ । न्याय सेवा सरकारी वकिल समूहबाट ७ जना,परराष्ट्र सेवाबाट १ जना सिफारिस भएका छन् ।
यस्तै प्रशासन सेवाबाट २५ जनाको बढुवा नियुक्तिका लागि लोकसेवा आयोगले संघीय मामिला तथा सामान्य प्रशासन मन्त्रालयलाई्र सिफारिस गरेको छ । यी सेवाबाट ४१ जना उपसचिव बढुवाका लागि सिफारिस भएका छन । आयोगले कुल ५१ जना सहसचिव बढुवाका लागि सिफारिस गरेको छ ।