भूमि व्यवस्था, सहकारी तथा गरिबी निवारण मन्त्री शशी श्रेष्ठले कर्मचारीहरुलाई सरुवा बढूवाका लागि मन्त्री तथा हाकिमको कोठा नचाहर्न निर्देशन दिएकी छिन् । आज धुलिखेलमा आयोजित एक कार्यक्रमलाई सम्बोधन गर्दै उनले कर्मचारीहरुलाई सरुवा तथा बढुवाका नेता र हाकिमको कोठा र घर चाहर्ने कामको अन्त्य गर्न निर्देशन दिएको हुन । लामो समय राज्यव्यवस्था समितिको सभापतिको भूमिका समेत निर्वाह गरिसकेकी श्रेष्ठले कर्मचारी सरुवाका लागि चक्रिय प्रणाली आवश्यक रहेकाले त्यसको तयारी गर्न समेत सम्बद्ध कर्मचारीलाई निर्देशन समेत दिएकी छिन् ।
मन्त्री श्रेष्ठले राम्रो काम गर्नेलाई पुरस्कृत र नराम्रो गर्नेलाई दण्डित हुने कुराको थालनी गर्नुपर्ने भन्दै निजामती विधेयक छिटो ल्याएर निजामती प्रशासनमा देखिएका विकृतिको अन्त्य गर्नु पर्नेमा समेत जोड दिइन् ।
भूमि व्यवस्थापन प्रशिक्षण केन्द्र धुलीखेलमा आज आयोजना गरिएको नवप्रवेशी नापी अधिकृतहरुको लागि प्रशिक्षण तालिमको समापन कार्यक्रममा बोल्दै मन्त्री श्रेष्ठले कर्मचारीहरुलाई जिम्मेवार भएर राष्ट्र र जनताको हितमा काम गर्न निर्देशन दिएकी हुन ।
मन्त्री श्रेष्ठले मन्त्रालय र नापी विभागप्रति रहेका नकारात्मक सन्देशलाई परिवर्तन गर्ने गरी काम गर्न पनि कर्मचारीहरुलाई निर्देशन दिइन् ।
भूमि र नापी जनताको जनजीवनसँग प्रत्यक्ष रुपमा जोडिएको र जनतालाई स्वामित्व दिने विषय भएकाले नापीसँग सम्बन्धीत कर्मचारी अझै जिम्मेवार बन्नु पर्नेमा उनको जोड थियो ।

Advertisement 1

सो अवसरका ३९ जना नापी अधिकृतहरुलाई तालिमको प्रमाणपत्र वितरण गरेकी छन् ।