चार जिल्लाको सिडिओ फेरिए

गृह मन्त्रालयले थप  सिडिओहरुको सरुवा गरेको छ । गृहले बिहिबार सिन्धुली,पाँचथर,खोटाङ,दाङका प्रमुख जिल्ला अधिकारीहरुको सरुवा गरेको छ । गृह स्रोतका अनुसार  सिन्धुलीको सुरेश न्यौपानेलाई पाँचथरमा खटाइएको छ ।

Advertisement 1

यस्तै,पाँचथरका पुण्य ढकाल, दाङको सिडिओ रामबहादुर कुरुवाङ र खोटाङ  मित्रलाल शर्मालाई गृह मन्त्रालयमा सरुवा गरेको हो ।  खोटाङमा उपसचिव फणिन्द्र दाहाललाई खटाइएको छ । यस्तै गृहले रमेश न्यौपाने सिन्धुली,हिरालाल रेग्मीलाई दाङको प्रजिअ बनाएर पठाएको छ ।

पटक पटक गरी नौ जिल्ला कमाण्ड गर्ने अवसर पाएका रामबहादुर कुरुवाङलाई गृहमा तानेर त्यहाँ हिरालाल रेग्मीलाई खटाइएको हो ।
गृहमन्त्री बालकृष्ण खाँण,गृह सचिव टेकनारायण पाण्डे र गृहको कप्र महाशाखा प्रमुख सुनिल खनालले आठ महिना अवधि पूरा भइसकेका प्रजिअहरुलाई गृहमा तान्ने रणनीति लिएका छन् । सोही रणनीति अनुरुप तीन जिल्लाका सिडिओलाई गृहमा तानेर त्यहाँ नयाँ कर्मचारीलाई खटाइएको हो ।

Advertisement 2

गृहले बुधबारमात्र १३ जना साहायक सिडिओहरुको सरुवा गरेको थियो । बालकृष्ण खाँण गृहमन्त्री बने यता ४९ जना सह सचिव र उपसचिवहरुको सरुवा भइसकेको छ ।

 

प्रकाशित :२०७८ कार्तिक १२, शुक्रबार ११:४६

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry