सरकारले ठूलो संख्यामा सह सचिवहरुको हेरफेर वा सरुवाको तयारी थालेको छ । हप्तौ अघि सामान्यले प्रस्ताव तयार पारेको भए पनि राजनीतिक किचलोका कारण सहसचिवहरुको सरुवा रोकिएको संघीय मामिला तथा सामान्य प्रशासन मन्त्रालयले जनाएको छ ।

Advertisement 1

आज भोलीमै अर्थका आधा दर्जन सह सचिवको सरुवा गरिन लागेको अर्थ मन्त्रालयले जनाएको छ । यता प्रधानमन्त्री तथा मन्त्रिपरिषद् मातहतका केही निकायमा नयाँ हाकिमको खोजी हुँदैछ,जसमध्ये सम्पत्ति शुद्धिकरण विभागमा लैजानका लागि नयाँ हाकिमको नाम करिब करिब टुंगोमा पुगेको छ । यसअघिका प्रधानमन्त्री केपी शर्मा ओलीले अर्थ मन्त्रालय मातहत रहेको उक्त विभागलाई प्रधानमन्त्री तथा मन्त्रिपरिषद् मातहत राखिएको थियो ।

त्यहाँ ओली सरकारले गजेन्द्र ठाकुर जिम्मेवारी लगेको थियो । ठाकुरलाई त्यहाँबाट हटाएर आफू अनुकूलको मान्छे ल्याउने गृहकार्य प्रारम्भ भएको छ । हाल भक्तपुरमा प्रमुख जिल्ला अधिकारी रहेका प्रेम भट्टराईलाई विभागको महानिर्देशक बनाउने तयारी अन्तिम चरणमा पुगेको स्रोतले बताएको छ ।अख्तियार दुरुपयोग अनुसन्धान आयोग हुँदै केही समय लतिपुर महानगरपालिकाको प्रमुख प्रशासकीय अधिकृत चलाएका भट्टराई, त्यहाँबाट भक्तपुरको प्रमुख जिल्ला अधिकारी बन्न पुगेका थिए । उनलाई त्यहाँबाट अब सम्पत्ति शुद्धिकरणमा लैजाने गृहकार्य अन्तिम चरणमा पुगेका प्रधानमन्त्री तथा मन्त्रिपरिषद्को कार्यालय स्रोतले जनाएको छ ।