संघीय मामिला तथा सामान्य प्रशासन सचिवमा एकनारायण अर्यालको इन्ट्री भएसँगै केही सुधारका यत्नहरु भयो । जसमध्ये एक थियो,कर्मचारीहरुको सरुवामा हुने चलखेल रोक्न भन्दै अनलाइनबाटै आवेदन दिन सक्ने व्यवस्था । जसअनुसार निजामती कर्मचारीहरुले सरुवा काज तथा कामकाजका लागि अनलाइनबाटै निवेदन दिन सकिने व्यवस्थाको प्रारम्भ भयो । मन्त्रालयले कर्मचारीको सरुवा प्रणालीलाई पारदर्शी र व्यवस्थित बनाउन अनलाइन सरुवा प्रणाली सञ्चालनमा ल्याएसँगै दुर्गम जिल्लाबाट समेत सरुवाकै लागि सिंहदरबार धाइरहनुपर्ने झण्झट अन्त्य भयो । योसँगै सरुवा हुन चाहने कर्मचारीहरु सिंहदरबार धाइरहनु परेन्, उनीहरु घरैबसी अनलाइनमार्फत निवेदन दिन सक्ने भए ।
मन्त्रालयका अनुसार गत मंसिरबाट शुरु भएको यो प्रणाली अहिले प्रभावकारी बन्दै गएको मन्त्रालयको ठहर छ । उस्का अनुसार,मङ्सिरदेखि यताका ६ महिनामा अनलाइनबाट सरुवा हुन एक हजार ४३१ जनाले आवेदन दिएका छन् । ती निवेदनमध्ये २ सय ५३ जनाको रोजेकै कार्यालयमा सरुवा भइसकेको छ ।

Advertisement 1

मन्त्रालयले अनलाइन प्रणालीबाट सरुवा प्रणाली सुरु गरेपछि कर्मचारीलाई समय र पैसाको बचत भई कर्मचारीलाई मन्त्रालय धाउनुपर्ने झण्झट अन्त्य भएो छ । यसबाट सबैभन्दा लाभन्वित भएका छन् दुर्गम क्षेत्रका कर्मचारीहरु जो सरुवाकै लागि भनेर काठमाडौंँ आउनुपर्ने झण्झट अन्त्य भएको छ । सरुवाका लागि भनसुन गर्नुपर्नै व्यवस्था पनि अन्त्य भएको मन्त्रालयको ठहर छ ।
अनलाइनमार्फत सरुवा प्रणाली सञ्चालनमा ल्याएपछि सरुवामा हुने अनावश्यक चलखेलसमेत रोकिने र मन्त्रालय पनि यो झण्झटमा महिनाभर अल्झन नपर्ने भएको छ । । सरुवामा विभिन्न प्रकारका आर्थिक चलखेलसमेत हुने गरेको आरोप लाग्दै आइरहेको समयमा त्यस्ता आरोप आउन नदिन पनि अनलाइन सरुवा प्रणाली लागु गरिएको मन्त्रालयले जनाएको छ ।