अहिले नागरिकको ज्यान बचाउँ,कर्मचारीको तलब अर्को बर्ष बढाउँदा हुन्छ
संबिधानअनुसार जेठ १५ गते संघीय बजेट ल्याउनुपर्ने व्यवस्था छ । बजेटमा कर्मचारीका के कस्ता सबाल समावेश होलान् ? आम कर्मचारीको चासो छ । । हालको अवस्था धेरै नै दर्दनाक छ । सिंगो मुलुक कोरोना कहरको दोश्रो लहरसँग लडिरहेको स्थिती छ । सोही कारणले यो बर्षको बजेटले स्वास्थ्यलाई प्राथमिकता दिइनुपर्छ, नागरिकका आधारभुत कुराहरू स्वास्थ्य र शिक्षाको सुनिश्चितता संविधानमा उल्लेख भएझैं बजेटमा पनि सम्बोधन हुनुपर्छ । स्वास्थ्यका लागि उल्लेख्य रूपमा बजेट विनियोजना गर्नुपर्छ । गत वर्षदेखि शुरु भएको कोरोनाले राम्रो शिक्षा दिएको छ, यो कहिलेसम्म रहन्छ, कसैले बताउन सकेको अबस्था छैन् । त्यसैले देशको स्वास्थ्य अवस्था मजबुत बनाउने गरी स्वास्थ्य क्षेत्रलाई बजेटमा प्राथमिकता दिइनुपर्छ । अहिले राज्यको पहिलो प्राथमिकता भनेको जनताको ज्यानको सुरक्षा गर्नु हो । त्यसैले ध्यान त्यसैमा केन्द्रित हुनुपर्छ । प्रत्येक नागरिकका लागि खोपको सुनिश्चितता गरिनुपर्छ र त्यो पनि निःशुल्क ।
Advertisement 1
अहिले आम कर्मचारीको चासो छ,हाम्रो सेवा सुबिधा के होला ? हरेक २ बर्षमा कर्मचारीहरुको तलब बढाउने ब्यवस्था छ । तलब बढाउनु त सबै भन्दा राम्रो कुरा हो कर्मचारी, शिक्षक, सेना, प्रहरी, पत्रकार, डाक्टरहरु सबैको तलब बढाउनु राम्रो कुरा हो तर, राज्यको अवस्था पनि हेर्नुपर्दछ । सरकारको जोड बजारको अवस्थालाई कसरी स्थिर राख्ने,मंहगी र कालोबजारी कसरी नियन्त्रणमा लिने ? त्यतातिर केन्द्रित हुँदा उत्तम होला कि ? तलबभत्ता वृद्धि बरु अर्काे साल दोब्बर गरे पनि हुन्छ ।
स्वास्थ्य क्षेत्रलाई हल्का रूपमा लिइनु हुँदैन् । शिक्षा र स्वास्थ्य क्षेत्र अब्बल र मजभुत बनाउनका लागि प्रर्याप्त बजेट विनियोजन हुनुपर्छ ।
एउटा व्यक्ति प्रति आश्रित परिवारलाई सहज रुपमा जीवन निर्वाह गर्न पुग्ने तलब भत्ता दिन सकियो भने उसको मनोबल उच्च रहने र जिम्मेवारीप्रतिको लगाव थप बढ्ने एवम् काममा शीघ्रता र गुणस्तरीयता बढ्छ भन्ने मान्यता छ । त्यसैगरी न्युन जनशक्तिबाट अधिक काम लिन कामको उत्पादकत्वको अधारमा तलब सुविधा उपलब्ध गराउने प्रचलन पनि विकसित मुलकहरुमा पाइन्छ । यसको अर्को आधार सरकारको साधन, श्रोत र क्षमता पनि हो । यसमा उपलब्ध हुन सक्ने साधान श्रोत, मुलुकको आर्थिक अवस्था, राष्ट्रसेवक कर्मचारीहरुको संख्या लगायत मुलुकको समग्र विकास एवम् मानव विकास सूचांक समेतलाई ध्यानमा राखिन्छ ।
Advertisement 2
(उर्जा सचिव कार्कीसँग महेश्वर गजुरेलले गर्नुभएको कुराकानीमा आधारित)
