प्रहरी हवल्दार मृत फेला, २ जना पक्राउ
दार्चुला। दार्चुलामा जनपद प्रहरीका एक हवल्दार मृत फेला परेका छन्।
Advertisement 1
जिल्ला प्रहरी कार्यालयअन्तर्गत महाकाली नगरपालिका–४ बाङ्गाबगडमा सामुदायिक प्रहरी बिटमा कार्यरत ३८ वर्षीय प्रहरी हवल्दार योगेन्द्र घर्ती सोमबार राति मृत फेला परेका हुन्। घटना शङ्कास्पद देखिएकाले अनुसन्धानका क्रममा २ जनालाई पक्राउ गरिएको प्रमुख जिल्ला अधिकारी अनिल पौडेलले जानकारी दिए।
मृत भेटिएका प्रहरी हवल्दार घर्तीको टाउको र निधारमा गहिरो घाउ रहेको छ। उनी महाकाली नगरपालिका–४ का बासिन्दा हुन्। उनको शव परीक्षणका लागि जिल्ला अस्पताल लिगिएको छ। जिल्ला प्रहरी कार्यालयका प्रहरी नायव उपरीक्षक गौरव महतले घटनामा संलग्न रहेका अन्य केही व्यक्तिको समेत खोजतलास भइरहेको जानकारी दिए।
प्रकाशित :२०८२ माघ २७, मंगलवार १४:३१
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
