पोशाकका लागि वार्षिक १० हजार भत्ता बुझ्ने तर ‘हिरोइज्म’ देखाउँदै चुल्ठेमुन्द्रे शैलीमा कार्यालय पुग्ने कर्मचारीकै बिगबिगी देखिन्छ अचेल सिंहदरबारतिर । एउटा निकायले गरेको अनुगमनको क्रममा संघीय मामिला तथा सामान्य प्रशासन मन्त्रालयकै धेरै कर्मचारी बाहिरी पोशाक लगाएर जाने, पूरै समय कार्यालयमा नबस्ने, आफूखुशी हिँड्ने गरेको भेटिएको हो ।

Advertisement 1

अरु कर्मचारीलाई नीति नियम सिकाउने संघीय मामिला तथा सामान्य प्रशासन मन्त्रालयका कर्मचारीहरु नै नीति नियम उडाउने गरेको भेटिएको छ । राष्ट्रिय सर्तकता केन्द्रले संघीय मामिला तथा सामान्य प्रशासन मन्त्रालयमा अनुगमन गर्दा अधिकांश कर्मचारीहरूले तोकिएको पोशाक नलगाइ कार्यालय जाने गरेको पाइएको छ ।

राष्ट्रिय सतर्कता केन्द्रले यही माघ ११ गते गरेको छड्के अनुगमनमा संघीयका १८ जना कर्मचारी तोकिएको पोशाक नलगाइ कार्यालय पुगेका थिए । यसरी तोकिएको पोशाक नलगाइ कार्यालय पुग्नेमा सहसचिवदेखि कार्यालय सहयोगीसम्म रहेका केन्द्रले जनाएको छ । सरकारले पुरुषका लागि गाढा नीलो प्यान्ट, सेतो सर्ट, गाढा नीलो कोट तथा कालो जुत्ता अनिवार्य छ । यस्तै, महिला कर्मचारीलाई गाढा नीलो प्यान्ट, सेतो सर्ट, गाढा नीलो कोट, कालो जुत्ता, स्याण्डल वा आकाशे गाढा नीलो सारी, गाढा बैजनी रंगको सारीको पारी, पारीअनुसारको ब्लाउज वा आकाशे गाढा नीलो कुर्ता तथा गाढा बैजनी सादा सलवार र सल लगाउन तोकिएको छ । तर, पोशाक भत्ता बुझ्ने अनि टिसर्ट र जिन्स प्यान्टमा ठाँटिने कर्मचारीको बोलवाला बढी देखिन्छ सामान्य प्रशासन मन्त्रालयतिर ।

Advertisement 2

केन्द्रका अनुसार अनुसार सहसचिव उमेशकुमार ढकाल, ५ जना उपसचिवहरू रेशम कँडेल, राकेश पाण्डे, दशरथराम ओड, रामुराज कडरीया र आरती न्यौपाने कार्यालय पोशाक नलागाई ढाटिएर सिंहदरबार छिरेका थिए ।

यस्तै उनीहरुकै पदचाप पछ्याउनजेमा शाखा अधिकृतहरू चिरन्जीवी नेपाल सुदिप सापकोटा, नायब सुब्बाहरू गणेश घिमिरे, महाप्रसाद गुरागाई, रिमा महर्जन, सुनिल महर्जन, कृष्ण कँडेल, उषा महर्जन पनि तोकिएको पोशाक नलगाई मन्त्रालय पुगेका थिए ।

यस्तै राष्ट्रिय सतर्कता केन्द्रले छड्के गर्दा सामान्यका सहसचिव सहितका ४१ कर्मचारी अनुपस्थित रहेको भेटिएको छ । सामान्य प्रशासनका कप्रका सहसचिव रामकुमार महतो विदेश भ्रमणमा रहेका कारण अनुपस्थित रहेको बताइएको छ भने भने अनुपस्थित हुने अन्य कर्मचारीहरुमा एक उपसचिव,१२ जना शाखा अधिकृत रहेको केन्द्रले जनाएको छ ।

केन्द्रका अनुसार उपसचिव रेशमलाल कणेल कार्यालयमा अनुपस्थित हुनेमा छन् । यस्तै,शाखा अधिकृतहरु लेखनाथ भट्टराई,शुरेश श्रेष्ठ,वाशुदेव भट्टराई,विकास सुन्दास,शर्मिला न्यौपाने,सुभद्रादेवी शर्मा,शिला सापकोटा,सुरेश कुमार श्रेष्ठ,सागर के.सी,अविलाल राई,द्रुव नारायण अधिकारी,हरीशरण न्यौपाने र जयराम गजुरेल रहेको सर्तकता केन्द्रले जनाएको छ ।

यस्तै नासु अक्कलमान महर्जन,कर्मचारीका नेता रामचन्द्र अधिकारी समेत छन् । अधिकारी सामान्य प्रशासनका शक्तिशाली नासु हुन । एकमाले निकट कर्मचारी संगठनका आडमा उनले सामान्य प्रशासनमा सात बर्षदेखि बसेर  कर्मचारी सरुवाको धन्दा चलाइरहेका छन् । निजामती कर्मचारी संगठनको आडमा ८ वर्ष देखि त्यही जरा गाँढेर बस्न सफल उनी सहसचिव र उपसचिवकै सरुवा गर्ने हिम्मत राख्छन् ।  हैसियत भन्दा बढी ऐयासी जीवन विताइरहेका छन्,अधिकारी । कर्मचारी संगठनका आँडमा साढेजस्ता बनेका उनी न त समयमा कार्यालयमा उपस्थित हुन्छन, उपस्थित भए पनि न त कार्यकक्षमै भेटिन्छन् । यो सर्तकता केन्द्रकै अनुगमनले भनेको बिषय हो ।

यस्तै कम्युटर अपरेटरद्धय कमला अधिकारी र सलिना श्रेष्ठ पनि कार्यालयमा अनुपस्थित रहेको भेटिएको हो । यस्तै नासु नहकुल सापकोटा,प्रमिला वाराकोटी,याम वहादुर वस्नेत,लेखापापालद्धय मधुसुदन खत्री,विश्वनाथ आचार्यका अलवा खरिदार नविना रेग्मी,सुरेन्द्र वहादुर खत्री,कार्यालय सहयोगी वाबुराम रानामगर,प्रकाश धिताल,का अलवा रमेश कुचिकार,शक्ति महर्जन,लाल वहादुर धिमाल,राजेश लम्साल,श्रीकृष्ण रानामगर,अम्बिका पन्त,कृष्ण बहादुर श्रेष्ठ,लक्ष्मण तामाङ र सिनियर इञ्जिनियर सुरेन्द्र मरवैता पनि केन्द्रको अनुगमनको क्रममा कार्यालयमा उपस्थित रहेको भेटिएको हो ।

यस्तै केन्द्रले सिट छड्के गर्दा ३१ जना कर्मचारीहरु नभेटिएको जनाइएको छ । सिट छड्केमा पर्नेमा नासु नहकुल बोगटी,उमेश पराजुली र रामचन्द्र अधिकारीका अलवा उपसचिवहरु दशरथ ओड,रेशमलाल कणेल र मिरा आचार्य पनि सिटमा नभेटिएको मन्त्रालयले जनाएको छ । यी यस्ता कर्मचारी हुन जो सात बर्षदेखि सामान्य प्रशासनमै रजगज गर्दै आइरहेका छन् ।

यस्तै,शाखा अधिकृतहरु शिला सापकोटा,लेखनाथ भट्टराई,गोविन्द के सी,वाबुराम भट्टराई,सन्तोष खत्री,सन्तोष भट्ट र नगेन्द्र सुवेदीसमेत सिटमा नभेटिएको केन्द्रले जनाएको छ ।

केन्द्रकै अनुगमनको क्रममा सामान्यका नासु उमेश पराजुली,लक्ष्मी के सी,कोहम्मद सम्साद आलम,सुर्श खड्का,तेज बहादुर बुढाथोकीका अलवा खरिदार काशीराम कार्की र चन्द्रसि वाईवा,हलुका सवारी चालक तथा कार्यालय सहयोगीहरु टिकाराम आचार्य,सानुकान्छा महर्जन,एकराज कोईराला,हरीराम वस्नेत,राजेन्द्र गिरी,पदमकान्त तिम्सिना,अशोक तामाड,सुनोज महर्जन,सीताराम श्रेष्ठ,दिनेश उपाध्याय र प्रकाश धिताल छड्के गर्दा सिटमा नभेटिएका हुन ।