मंगलबारदेखि लोकसेवा सेवा आयोगमा हाल क्रियाशील सबै पदाधिकारीहरुले अवकाश लिएसँगै कर्मचारीतन्त्रमा सकस पर्ने देखिएको छ । लोकसेवामा नयाँ पदाधिकारी नियुक्ति नभएसम्म कर्मचारीतन्त्रमा बढुवा र पदूपर्ति लगायतका सम्पूर्ण काम ठप्प हुनेछ । यसका साथैं नयाँ परीक्षाका कार्यक्रम समेत प्रभावित हुँदैछ । त्यही कारण अहिले संघीय मामिला तथा सामान्य प्रशासन मन्त्तालयले कर्मचारी बढुवाको कामलाई तिव्रता दिएको देखिन्छ ।
लोकसेवा आयोगका अध्यक्ष उमेश मैनालीसहित त्यहाँका अन्य चार सदस्यहरु क्रमश ब्रिन्दा हाडा, अशोक झा, ब्रह्मदेव राय र कृष्णचन्द्र झा ६ वर्ष अवधि पूरा गरी चैत्र १० बाट घर जाँदैछन् । आयोगमा ६ पदाधिकारी रहने व्यवस्था छ । त्यहाँका सदस्यद्धय पूर्व सचिव गोविन्द कुसुम एक वर्ष पहिले र श्रीपुरुष ढकालले चारमहिना पहिले उमेर हदका कारण सेवाबाट बाहिरिएका थिए । सरकार आफैं किचलोमा फसिरहेका कारण तत्काल संवैधानिक परिषद्को बैठक बस्ने अवस्था छैन। त्यसैले आयोगले तत्कालै पदाधिकारी पाउने सम्भावना कम छ। पदाधिकारी अभावमा हुने हुँदा कर्मचारीहरुको सरुवा,बढूवामा समेत प्रभाव पार्ने देखिन्छ ।
त्यही कारण संघीय मामिला तथा सामान्य प्रशासन मन्त्रालयले चैत्र महिनामा कर्मचारीको बढुवामा केन्द्रित रह्यो । मन्त्रालयले चैत्रको सुरुवातदेखि उप–सचिव र सह–सचिव तहको बढुवाका ८ वटा निर्णय गरेको छ। निर्णय अनुसार ११ पदका लागि ४७ जनाको नाम सिफारिस भएका छन्। यस्तै मन्त्रालयले पाँच राजपत्राङ्कित प्रथम अर्थात सचिवसहित दुई उपसचिवलाई बढुवाका लागि सम्भाव्य उम्मेदवारको नामावली सार्वजनिक गरेको छ । यस्तै मन्त्रालयले ४४ जना अधिकृतलाई उपसचिवमा बढुवाका लागि नाम सार्वजनिक गरेको छ । मन्त्रालयले नेपाल प्रशासन सेवा, सामान्य प्रशासन समूहका उपसचिवको सम्भाव्य उम्मेदवार सङ्ख्या निकालेको हो । जसमा तीन सय १० जनाले दरखास्त दिएकोमा दुई सय ६१ उम्मेदवार कायम गरेको छ । यस्तै यही अवधिमा लेखा,राजश्व,लेखापरीक्षण समूहका १८ जना अधिकृत उपसचिवमा बढुवा सिफारिस भएका छन् । यस्तै गत फागुन अन्तिम सातामात्र ६४ जनालाई उपसचिवमा बढुवाका लागि सिफारिस गरेको छ ।

Advertisement 1

तर सामान्य प्रशासन मन्त्रालयका प्रवक्ता सहसचिव बसन्त अधिकारी अहिले लोकसेवा आयोग पदाधिकारीविहिन हुने भएका कारण धमाधम बढूवा भएको भन्ने मान्न तयार छैनन् उनका अनुसार यो बढुवा स्वभाविक र प्रक्रियागत ढंगबाटै अर्थात सेड्युल अनुसार नै भएको हो । पोहोर परार पनि यही समयमा यसैगरी बढुवा हुन्थ्यो र अहिले पनि उसैगरी प्रक्रिया पुगेका कर्मचारीहरुको बढुवा भएको हो ।

Advertisement 2

‘