भिजिट भिसाको नाममा ठगी धन्दा मौलाइरहेको र यो खेतीपातीमा अध्यागमनका अधिकृतहरु नै संग्लग्न रहेको खबर बाहिरिएसँगै प्रधानमन्त्री प्रचण्डले यसमा विशेष चासो राख्नुभएको छ ।

Advertisement 1

प्रधानमन्त्री प्रचण्डले भिजिट भिसाका नाममा सर्वसाधरण नेपालीले खेप्नुपरेको सास्ती र विमानस्थल तथा अध्यागमनका कर्मचारीहरुको सेटिङ र सेवाग्राहीले दिने गरेको अनावश्यक द्खको बारेमा चासो राख्नुभएको हो ।
प्रधानमन्त्री प्रचण्डले सरकारी कर्मचारीकै मिलेमत्तोमा नक्कली कागजपत्र बनाएर भिजिट भिसामा नागरिकलाई खाडी मुलुक पठाई मानव तस्करी हुने गरेको घटनालाई गम्भीर रुपमा लिएर त्यस्ता कार्य तत्काल बन्द गर्न निर्देशन दिनुभएको हो ।

उपप्रधान एवं गृहमन्त्री नारायणकाजी श्रेष्ठ, श्रम, रोजगार तथा सामाजिक सुरक्षामन्त्री शरतसिंह भण्डारी, मुख्यसचिव डा वैकुण्ठ अर्यालसहित सम्बन्धित मन्त्रालयका सचिवहरूसँग आज भएको छलफलमा प्रधानमन्त्रीले त्यस्तो निर्देशन दिनुभएको हो ।

Advertisement 2

भिजिट भिसामा जानेलाई कागज पुगेन भनेर विमानस्थलबाट फर्काउने र फेरि केही दिनपछि ‘सेटिङ’ मिलाएर पठाउने गरेको गुनासो मैले सुनेको छु, भिजिट भिसामा घुम्न जानेहरूका सम्बन्धमा अध्यागमन कार्यविधिअनुसार गर्नु र गराउनु होला । जनतालाई हैरानी दिने काम बन्द गर्नुहोला, जनतालाई हैरानी दिने काम बन्द गर्नुहोलाु, उहाँले निर्देशन दिँदै भन्नुभयो ।