जसरी परराष्ट्रमा क्षेत्री त्रयको आतंङ्क छ,उसै गरी भूमि व्यवस्था,सहकारी तथा गरिबी निवारण मन्त्रालय मतहतको मालपोतमा भण्डारीत्रयको रजाई रहेको भेटिएको छ ।

Advertisement 1

जसरीसेटिङ मिलाएर कहिले बेलायत त कहिले जापानका लागि महामहिम राजदूत हुने सौभाग्य पाए दुबसु क्षेत्रीले,उनले काँग्रेसी परराष्ट्र मन्त्री भएको ‘मौकामा चौका’ हान्दैं आफ्ना दुई भाइहरु चक्र र कृसुका उद्धार गर्ने महान अभियानमा सफलता पाइरहेका छन् । ठीक उही शैलीमा तलदेखि माथिसम्मै मिलाएर उपसचिवले पनि आफू र आफ्ना दुबै भाईहरुको उद्धार गर्दै आएको भेटिएको छ ।

यसरी चाँजो पाँजो मिलाउने खेलाडी हुन लोक भण्डारी । ०२५ सालका लोक,०२६ सालका देवी र ०२८ सालका शेर, तिनै भाइ लामो समयदेखि मालपोतमा जरा गाढेर बस्दै आएका थिए,अहिले तीनै जना  उपसचिव (मालपोत कार्यालयका हाकिम) ।जेठा भण्डारी भूमिसुधार तथा मालपोत कार्यालय भक्तपुरका हाकिम,भाई देवी कपिलबस्तु र कान्छा शेर झापा मालपोतका हाँक्दैछन् । रोचक चाहिँ जागिरे जीवनमा लामो समय उनीहरु मालपोतबाट दायाँबायाँ हुनु परेको छैन,निजामती किताबखानाबाट प्राप्त पिआइएस हेर्दा ।

Advertisement 2

०५३ सालमा शाखा अधिकृतबाट निजामती सेवा प्रवेश गरेका भण्डारीले जागिरे जीवनमा व्यतित गरेका २७ मध्ये २४ बर्ष मालपोतमै व्यतित गरेका छ । मालपोत दमक,सुनसरी,ललितपुर हुँदै डिल्लीबजार मालपोतमा बसे । विशेष बढूवाबाट उपसचिवमा उक्लिएपछि छोटो समय उपराष्ट्रपति कार्यालय,इलाम नगरपालिका,प्रदेश सभा सचिवालयमा बसेर सेवा गरे बाहेक जागिरे जीवनका बाँकी समय मालपोतमै बिताएको उनको पिआइएस खोतल्दा भेटिन्छ । मालापोत काभ्रेपलाञ्चोकको हाकिम हुँदै ०७७ साल चैत्र मा मोरङ्ग मालपोतका हाकिम हुन गएका उनी गत बर्ष भदौं १६ देखि भक्तपुर मालपोतका हाकिमका रुपमा कार्यरत छन् । अहिले भतिज मोहन भण्डारी र ज्वाई डम्बर कार्कीलाई समेत सोही अड्डामा लिएर गएका छन् । हालैमात्र भण्डारीलाई त्यहाँबाट सरुवा गर्ने गृहकार्य अगाडि बढ्यो । सरुवा उल्टाए उनी पूरानै ठाउँमा फर्किन सफल भए ।

सामान्य प्रशासन मन्त्री र भूमिसुधार मन्त्रालयमा  पैसा बुझाएर आफ्नो सरुवा उल्टाएको र खुलेआम आफूलाई कसैले छुन बताउँदै हिड्छन् लोक ।

दाजुले झैं उनका भाई देवी भण्डारी तीन बर्षमात्र मालपोत बाहेकका कार्यालयमा बसेर काम गरेको अभिलेख इकर्मचारी डटकमसँग सुरक्षित छ । देवी अहिले कपिलबस्तु मालपोत कार्यालयका प्रमुख छन् । ०५३ सालमा निजामती सेवामा पाइला राखेका उनी जागिरे जीवनमा २७ बर्ष समयमध्ये अधिकांश समय मालपोतमै बसेको भेटिन्छ । ९ महिना स्वास्थ्य सेवा विभाग,तीन महिना स्थानीय विकास मन्त्रालय,१ बर्ष ४ महिना अख्तियार र ७ महिना जिल्ला प्रशासन कार्यालय मोरङ बाहेक बाँकी समय मालपोत छोडेर दायाँ बायाँ हुनु परेको छैन । ७३ सालमा उपसचिवमा बढूवा भए यता दमक मालपोत,कलंकी मालपोत,भूमिसुधार तथा कार्यालय भक्तपुर,मालपोत कार्यालय बुटबल हुँदै अहिले कपिलबस्तु मालपोतका हाकिमको भूमिकामा छन् ।

अर्काे भाई शेरबहादुर भण्डारी पनि उपसचिव नै हुन । उनी ५२ सालमै निजामती सेवामा पाइला राखेका । उपसचिवमा बढूवा भए यता मालपोत कार्यालय छोडेर बाहिर कतै जानु परेको छैन । समायोजन हुँदा निजामती किताबखानामा पुगेका शेरबहादुर ७६ साल चैत्र मा उपसचिवमा बढुवा भएर भूमि व्यवस्था सहकारी तथा गरिबी निवारण मन्त्रालयमा पुगे । त्यस यता तनहुँ ,चितवन हुँदै झापा मालपोतको हाकिमका रुपमा लगिएको छ ।

सबैभन्दा बढी भ्रष्टाचार हुने कार्यालयमा पर्दछ,नाप,मालपोत । पछिल्लो समय अख्तियारको वक्रदृष्ट्रि मालपोत,नापी लगायतका कार्यालय परेको देखिन्छ । सोही कारण हुनुपर्दछ एक तिहाई दरबन्दी रिक्त छ,ती निकायमा । इमान्दार कर्मचारी फसिएला भनेर नापी– मालपोत कार्यालय जानै मान्दैनन्,भागी हिड्छन् । हिसाब किताब र बाँडफाँड मिलाउने कला भएकै कारण हुनुपर्दछ भण्डारीत्रय जस्ता कर्मचारीहरु जागिरे जीवनको २० औं बर्षसम्म मालपोतबाट हलचल हुनु नपरेको ।

एउटै कर्मचारी जागिरका २० बर्षसम्म मालपोतमै जरा गाँढेर बसिरहँदा के हेरिरहेछन् सचिव विनोद प्रकाश सिंह र गोकर्णमणि दुवाडी र कप्रका हाकिमहरु ? सामान्य र भूमि सुधारकै कर्मचारीहरुको प्रश्न हो यो ।